ပျော်စေချင်ရုံလေးရေးပေးခြင်းပါ။ဘယ်မှာမှလဲရှာမတွေ့တာနဲ့ ကြားဖူးတဲ့ဟာသလေးကိုပြန်လည်မျှဝေလိုက်ပါတယ်။ဟာသအမြင်ဖြင့်သာ ဖတ်ရန်ပြောကြားလိုပါတယ်ခင်ဗျာ။ ဟာသဘက်ကနေပဲကြည့်ပါ။ လျှို့ယွင်းချက် (ချွင်းချက်) အနည်းငယ်ရှိနေခြင်းအတွက်စာဖတ်သူများကိုကြိုတင်တောင်းပန်အပ်ပါသည်။
ရှေးအခါကလူအများဟာ မှန်တွေကိုမမြင်ဖူးသေးပေ။နိုင်ငံခြားမှာတော့ပေါ်နေပြီဗျ။ဇာတ်လမ်းအစက ဒီလိုပါ.........
ကိုရင်သာဗျောတစ်ယောက် တောလိုက်ပစ်ရင်းနဲ့ မျောက်တစ်ကောင်ရပါလေရော။တောလိုက်ပစ်တယ်ဆိုတာကလည်း ဒူးလေးကို ကိုယ်တိုင်လုပ်ပြီးတော့ လိုက်ပစ်တာ။ထူးဆန်းတာက မျောက်အသေလက်ထဲမှာ ကျစ်ကျစ်ပါအောင်ဆုပ်ကိုင်ထားတဲ့ အရောင်လက်လက်နဲ့အရာတစ်ခု။ ကျောက်မြတ်ရတနာလေ လော။နေရောင်အောက်ဝယ် တလတ်လတ်တောက်ပနေပေသည်။ကိုရင်သာဗျော ပြုတ်ကျတဲ့မျောက်ဆီအပြေးသွားလေ၏။ဟင်းစားမျောက်ကိုသူလောလောဆယ် စိတ်မ၀င်စားအားပါ။ မျောက်လက်ထဲက နေရောင်နဲ့လင်းနေတဲ့အရာလေးကိုသာ သူစိတ်ဝင်တစားနဲ့ ယူလိုက်တယ်။ပြီးတော့ တည့်တည့်ကြည့်လိုက်တယ်။ ဘာပါလိမ့်....
အလို......လွန်ခဲ့တဲ့ငါးနှစ်တုန်းကသေသွားတဲ့ ငါ့အဖေပုံပါလားဟ။ မှန်ကား မှန်ဘီလူးအမျိုးအစားပေ။ကြည့်လိုက်ရင် မူရင်းရုပ်နဲ့နည်းနည်းလွဲနေတာမျိုး။မှန်ထဲမှာနည်းနည်းရုပ်ဆိုးသွားတဲ့မှန်ဘီလူးမျိုး။ အာတွေဘာတွေ နည်းနည်းရွဲ့တာပေါ့လေ။အဖေ့ကိုလွမ်းနေတာနဲ့အတော်ပေ။ ပုံလေးကိုကြည့်လိုက် နမ်းလိုက်နှင့် ကြည့်လို့ကားမ၀။မျောက်သေလေးနားမှာ အတန်ကြာ မျက်ရည်ဝဲလျက်...။အမေက ငယ်ငယ်ထဲကမည်သူမည်ဝါဆိုတာသူမသိခဲ့။ဒီအဖေကြီးကိုပဲချစ်ခဲ့ရတာ။ခုတော့နတ်သိကြားတွေက သားအဖနှစ်ယောက် အရမ်းချစ်တာကိုသိလို့ သူ့ကိုယ်ပွားလေးကို ငါ့ဆီအရောက်ပို့လိုက်တာပါလား။အမြတ်တနိုးသိမ်းထားမှပဲဆိုပြီး...အိမ်ကိုပြန်လာတော့ မျောက်သေလေးကိုထမ်းလာတယ်။ခါးကြားမှာ မှန်လေးထိုးပြီးတော့ဖွက်ထားရသေးတယ်။ဘာလို့ဖွက်ထားရလည်းဆိုတော့ သူ့မိန်းမက လော်စပီကာ။တစ်ရွာလုံးလျှောက်ပြောမှာ ဒါကိုမြင်ရင်။ဒါနဲ့ သူမပြောတော့ဘူးသူ့မိန်းမကို။သူ့အ၀တ်ပုံကြားထဲမှာထည့်ထားလိုက်တယ်။မိန်းမကိုပြောမလို့စဉ်းစားကြည့်တော့ အိမ်မှာလူတရုန်းရုန်းနဲ့ဖြစ်နေမှာ မပြောပဲနေတာကောင်းပါတယ်လေဆိုပြီးတော့ အလုပ်သွားရင် အဲ့မှန်လေးကို နမ်း ၊ ပြန်လာရင်ထုတ်ကြည့်နမ်း။ ဖအေကိုတော်တော်ချစ်တာကိုးဗျာ။ ဒါနဲ့ကြာလာတော့သူ့မိန်းမက မသင်္ကာတော့ဘူး။သူလဲအလုပ်သွားရော အဲ့တာကိုဆွဲထုတ်ကြည့်တာ။ဘာလဲပေါ့...
အလို......ကိုရင်သာဗျော မယားငယ်ထားနေတာပါလား။သူ့မယားငယ်ပုံကို သူ့အ၀တ်ခေါက်ထဲမှာထည့်ထားပြီးနမ်းနေတာကိုး။အောင်မယ်လေး အရပ်ကတို့ရေ ကြားလို့မှကောင်းကြသေးရဲ့လား.......။မယားငယ်မက ငါ့လောက်တောင်လှမယ်မထင်..ဒါကိုများ ဒင်းကဘာတွေမက်ပြီးတော့ နောက်ထပ်အမြှောင်မယားထားတာပါလိမ့်။ပြန်လာရင်တွေ့မယ်ဆိုပြီးတော့ ဓါးဆောင်ထားလေရဲ့။အဖြစ်မှန်သိလို့ကတော့ တစ်ချက်ထဲခုတ်ထည့်လိုက်မယ်။မုန့်သာဝေစားမယ် ဒါမျိုးတော့ မဝေစားနိုင်ဘူးတော်ရေ ဆိုပြီးတစ်ယောက်ထဲပြောပြောပြီးငိုနေတာ တနေကုန်။ပြန်လာရင်တော့ပွဲကြီးပွဲကောင်းပေါ့ဗျာ။ယောက်ကျားပြန်လာတော့ မီးဖိုချောင်ထဲ ထရံပေါက်ကြားထဲက ချောင်းကြည့်နေတယ်။ သူဘာလုပ်မလည်းပေါ့။
ဒါနဲ့ကိုရင်သာဗျော တောထဲကမောမောနဲ့ပြန်လာတော့ သူ့အဖေပုံလေးအလွမ်းပြေကြည့်မယ်ပေါ့။ သူ့အဖေပုံလေးကို လက်ထိုးထည့်ပြီးစမ်းလိုက်တော့ အရင်နေရာမှာမတွေ့။ ဒါနဲ့ အ၀တ်တွေအကုန်လှန်ရှာ။မတွေ့။ဟာ..ဒါမိန်းမလက်ချက်ဆိုတာသူ သိလိုက်ပြီ။အိမ်မှာ ကလေးလည်းမရှိဘူးလေ။ဒင်းပဲနေမှာ။
အံမယ် သူ့မယားငယ်ပုံကို လိုက်ရှာနေတာ အလုပ်ကပြန်လာတော့။ငါ့တော့မမေးဘူး။ခေါ်လည်းမခေါ်ဘူး။တွေ့မယ်ဒင်း။
"မိန်းမရေ ဒီထဲက ပစ္စည်းလေး မင်းယူထားလား"
သူ့မိန်းမမီးဖိုချောင်ထဲကထွက်လာပြီးတော့။
"ယူထားတယ်။ရှင်ကဘာလုပ်မလို့တုန်း။ရှင့်မယားငယ်ကဘယ်သူလဲမှန်မှန်ပြောစမ်း။မိနန်းကို ဒါမျိုးလာလုပ်လို့မရဘူးဆိုတာရှင်မြဲမဲမှတ်ထား"
"ဒီမိန်းမ ငါလုပ်လိုက်ရင်သေတော့မယ်။ဘယ်ကမယားငယ်လဲဟ။ ငါ့ပြန်ပေးစမ်း။အဲ့ဒါသေသွားတဲ့ ငါ့အဖေရဲ့ပုံဟ"
"အောင်မယ်လေး လက်တို့ပြီးတောင်ရယ်လိုက်ချင်တာပဲတော်ရေ့ ....ဟော့မှာလာကြည့်စမ်း ကျုပ်နားကို ရှင့်အဖေပုံလား ရှင့်မယားငယ်ပုံလားဆိုတာ"
ဒါနဲ့ ကိုရင်သာဗျောထကြည့်တယ်။
"ဟာ...ငါ့အဖေပုံက မိန်းမပုံပြောင်းသွားပါလားဟ။ဘယ်လိုဖြစ်တာတုန်း ပေးစမ်းငါ့ကို။"
သူ့ဘက်လည်းဆွဲကြည့်လိုက်ရော ယောက်ကျားပုံဖြစ်သွားရော။
"ဟောဒီမှာကြည့် ဒါလွန်ခဲ့တဲ့ငါးနှစ်တုန်းက သေသွားတဲ့ ငါ့အဖေ တွေ့ပလား..... ဟင် .... ဂန်းနာမ။"
မနန်းလည်း သူ့နားလာကြည့်တော့ ဟုတ်သား။သူ့အဖေပြောင်းသွားတယ်။သူယူကြည့်တော့ သူ့မယားငယ်ပုံပြောင်းသွားတယ်။သူ့ယောက်ကျားယူကြည့်တော့ သူ့အဖေပုံပြောင်းသွားတယ်။စဉ်းစားမတတ်တော့ ဓါးနဲ့ခုတ်ဖို့နေနေသာသာ။ဒါနဲ့ပဲ ရှင်းမရတဲ့အဆုံး ဆရာတော်ကြီးကို သွားလျှောက်ပြီးအဖြေမှန်တောင်းမယ်ဆိုပြီး ရွာဦးကျောင်းကိုချီတတ်တာ။ ဟုတ်တယ်လေ ဆရာတော်ရဲ့အဆုံးအဖြတ်ကို ခံယူမှပဲ နားအေးမှာ။တစ်ရွာလုံးက ဆရာတော်ကြီးရဲ့အမိန့်ပဲ ။ ဆရာတော့်ဆီရောက်တော့ ဦးချပြီး လက်ထဲပါလာတာလေးပြ။ဖြစ်ကြောင်းကုန်စင်ပြောပြလေတော့....ဆရာတော်ကြီးက မှန်ကို ဝေးဝေးထားကြည့်လိုက်၊ အနီးကပ်ပြန်ဆွဲကြည့်လိုက်နဲ့ ...ပြီးတော့ ရယ်လိုက်တာပြောမနေနဲ့တော့။
"အိမ်း နင်တို့လင်မယားကို ကျုပ်က မျက်လုံးကောင်းလှပြီမှတ်တယ်..တယ် မွဲကြသကိုး။ နင်တို့ပြောနေတဲ့ ဟာတွေတစ်ခုမှမဟုတ်ဘူးဟဲ့ ။ ဒါလွန်ခဲ့တဲ့အနှစ်နှစ်ဆယ်တုန်းက ပျံလွန်တော်မူသွားတဲ့ တို့ဒီရွာဦးကျောင်းက ကျောင်းထိုင် ဆရာတော်ကြီးရဲ့ပုံဟ"
ဆိုပြီး သိမ်းသွားလေရဲ့.....
ဆက်လက်ကြိုးစားပါအုံးမည်။
စာဖတ်သူအပေါင်း ကိုယ်စိတ်နှစ်ဖြာ ကျန်းမာ ချမ်းသာကြပါစေ။ဘ၀အမောတွေပြေပျောက်ကြပါစေဗျာ။
MSC 210
NAYPYITAW.
MYANMAR.
6/19/2018.
4:13 PM.
THANK YOU VISIT TO MY BLOG.GOODLUCK ALL STEEMIT FRIENDS.
