ကောက်ရကိုအရပ်ထဲရှိလူတို့ကြောက်လန့်,ရွံမုန်းကြရုံသာမကအရပ်ထဲရှိခွေးအချင်းချင်းမှလည်းကြောက်ရွံ့ရွံမုန်းကြသည်။ကောက်ရ၏ရှေ့တွင်ကြောက်ကြောက်လန့်လန့်အမြီးကုပ်၍သွားရသည်။ဤသည်ကိုပင်ကောက်ရမှမကြည်လျှင်မကြည်သလိုလှိမ့်၍အကိုက်ခံရသည်။ကောက်ရသည်ခွေးကြီးများကိုသာမကခွေးကလေးများကိုလည်းမညှာပေ။တစ်ခါကကောက်ရအမှိုက်ပုံဖွနေသည်ကိုမယောင်မလည်နှင့်အမှိုက်ပုံအနားကပ်သွားမိသောခွေးပေါက်စလေးတစ်ကောင်မှာကောက်ရ၏ဒေါသတကြီးဆွဲယမ်းကိုက်ခဲသည်ကိုခံရပြီးနောက်ထိုဒဏ်ရာနှင့်ပင်နောက်တစ်နေ့၌သေဆုံးသွားခဲ့လေသည်။
ကောက်ရသည်တော်သလင်းလတွင်လည်းအရပ်ထဲမှခွေးပျိုမများကိုလက်ဝါးကြီးအုပ်ထားသည်။တော်ရုံတန်ရုံခွေးထီးတို့ကောက်ရရှိပါကခွေးပျိုမတို့အနားမကပ်ဝံ့ကြရှာပေ။ကောက်ရကြီးကောင်းစားနေပုံကိုသာအဝေးမှမှန်းဆတမ်းတကြရလေသည်။ကောက်ရအစာရှာထွက်နေစဉ်အောင်နက်တစ်ကောင်ကတော့သူရည်ငံသော(ကျားမ)ရှိရာသို့အသက်စွန့်၍နှစ်လွှာပေါင်းမှတစ်လွှာမည်သောစွယ်တော်ရွက်ပမာဖြစ်အောင်ချစ်မိသည်။ကောက်ရမှချက်ချင်းတွေ့သွားပြီးအတင်းခွဲလေသည်။ဤပွဲတွင်အောင်နက်တစ်ကောင်အချစ်အတွက်နားရွက်တစ်ဖက်စုတ်သွားရရှာလေသည်။ကောက်ရတို့ဆိုးပုံကကမ်းကုန်သည်။
သို့သော်ဝိပါက်ကြမ္မာငင်သည့်နေ့တစ်နေ့ကောက်ရအတွက်ကောက်ရလိုက်သလိုရောက်ရှိလာတော့သည်။မိမိသခင်၏ဝါးထောင်ရှေ့လမ်းမလယ်တွင်နေစာလှုံရင်းအိပ်ငိုက်နေသည့်ဆောင်းနှောင်းရာသီတစ်မနက်အရှိန်နှင့်မောင်းလာသောဂျစ်ကားတစ်စီးကကောက်ရကိုခါးဖြတ်ကြိတ်သွားခဲ့လေပြီ။ကောက်ရရှောင်တိမ်းချိန်မရလိုက်တော့။လမ်းမလယ်တွင်စူးရှနာကျင်စွာခံစားရင်းတဂိန်ဂိန်အော်ကာလူးလိမ့်နေခဲ့ရလေပြီ။
ကောက်ရမသေခဲ့သော်လည်းသေသော်မှသည်သြော်ကောင်း၏ဟုဆိုရပါလိမ့်မည်။ကောက်ရအောက်ပိုင်းသေသွားခဲ့ပြီ။ယခင်လိုခြေလေးချောင်းဖြင့်လမ်းမလျောက်နိူင်တော့ပြီ။ရှေ့ခြေနှစ်ချောင်းကလျှောက်လှမ်းနိူင်သော်လည်းကောက်ရ၏ခန္ဓာကိုယ်နောက်ပိုင်းကမူဖင်တရွတ်ဆွဲ၍ရွေ့လျားရရှာချေပြီ။
ယခင်ကဘိုကျခဲ့သမျှယခုတော့ကောက်ရကြီးဘိုမကျနိူင်တော့ပြီ။ကလေးတို့လည်းဝမ်းသာသည်,ခွေးတို့လည်းဝမ်းသာပြီ။ဖင်တရွတ်ဆွဲ၍ရွေ့လျှားရသောကောက်ရကြီးကိုကလေးတို့လည်းမကြောက်တော့။ယခင်တော်သလင်းလများကကောက်ရကြီးကောင်းစားခဲ့သမျှယခုအခါတွင်မူကောက်ရကြီးစိတ်သွားတိုင်းကိုယ်မပါနိူင်တော့ပြီ။တခြားခွေးများဆူညံပျော်ရွှင်နေပုံကိုသာအဝေးမှလှမ်းမျှော်ကြည့်နေရရှာသည်။ဖင်တရွတ်ဆွဲ၍သွားရသောနာကျင်မှု၏ဝဋ်ဒုက္ခကြောင့်လားတော့မသိ,တစ်ခါတစ်ရံတွင်မျက်ရည်များကျနေတတ်သည်။ကားကြိတ်၍ခြောက်လခန့်ရှိသောအခါကောက်ရကြီးသေသွားခဲ့ပါသည်။
ကောက်ရသန်စွမ်းချိန်ကယင်း၏အပြုအမူများအပေါ်မုန်းတီးမိသည့်ဦးလူမောင်မှာကောက်ရကြီးဖင်တရွတ်ဆွဲ၍သွားရချိန်တွင်သနားစိတ်ဖြင့်ထမင်းကျန်ဟင်းကျန်လေးများပုံကျွေးမိသည်။ယခုတော့ကောက်ရကြီးသေဆုံးသွားသည်မှာ(၆)လတိုင်ခဲ့လေပြီ။ကြီးနိူင်ငယ်ညှဉ်းလောကဖြစ်ရပ်တို့နှင့်ကြုံကြိုက်တိုင်းဦးလူမောင်မှာဘာရယ်မသိကောက်ရကြီး၏ဖြစ်ရပ်ကိုစိတ်တွင်သတိရလိုက်မိပါတော့သည်။