Assamualaikum rakan meutuwah
Jaroe dua blah ateu jeumala
Lon peu ek saleum keu rakan meutuwah
Beu troeh ban hanjat tayoe bersua
Ji meu en galah bak babah juroeng
Tangieng meuroen - roen dum aneuk muda
Yoeh dilee jameun urueng di gampong
Geu geu toet leumang beuleun puasa
Gampong lam panah meugah hana ban
Gajah meukawan jitroen lam rimba
Meuye tajak keudeh u peukan
Bek tuwoe rakan leumang ta mita
Nibak jalan moto meu ili
Keuchik ngen waki geujak bak jalan
Leumang pih na oeh maulid Nabi
Han jeut ta iri ka meunan reusan
Ateuh bak maken na cicem nuri
Cicem keudidi ji poe dalam blang
Oeh wate beungoeh meh moeh han sakri
Di kude Sigli kak ni ba leumang
Leumang boh ubi pasoe lam buloeh
Nye ruti goh di garot pih na
Kadang na haba ulon meuratoeh
Maklum rakan beh ulon manusia
Sigli,26 Mei 2018
