Assamulaikum warrahmatuhu
Aceh meucuhue kaya budaya
Jinoe ka aman hana lee karu
Barat ngen timu aman sentosa
Deungoen Bismillah haba lon karang
Lakee bak Tuhan beuk sampurna
Haba lon tuleh ngen keybor hitam
Baca hai rakan tuha ngen muda
Ureung meugoe beurangksoe saban
Padee dalam blang milek Rabbana
Eunteuk siat teuk malam tujoh blah ramadhan
Nyan keuh malam Al Qur'an geupuena
U Tanjong Priyoek dawok peureugi
Geujak poeh cakri seubab liburan
Al Qur'an geu peutren laju keu Nabi
Kitab nyan suci tayoe Iseulam
Leupah meusigrak awak seudati
Bak ayoe gaki ngen jaroe dua
Ta baca Al Qur'am di bulan suci
Pahala geubi meu jumba - jumba
Dalam lungkiek glee sabee jitroen ie
Ayoet u pasi bak keyee rimba
Meu mada ueh noe haba lon rawie
Bak laen kali haba ta rika
Glee Gapui, 01 Juni 2018
Gadoh Aneuk Meupat Jrat, Gadoeh Adat Hana Pat Tamita.