तुझा यूनिवर्सिटी रेकॉर्ड जेव्हा सेट झाल तेव्हाची ती स्पर्धा आमच्या कॉलेजात झाली होती. ते दोन दिवस गौरी सावली सारखी तुझ्याबरोबर होती . बक्षीस - समारंभानंतर ती तुला कॉलेजच्या गेट पर्यंत सोडायला आली होती . त्यावेळी तिने भर कॉलेज -गेट वर कौतुकाने तुला काळं जाकीट घातलं होतं .नंतर तिची काळी ओढणी तुला फेट्या सारखी बांधली होती . त्याशिवाय तिथं उभं राहून तू दिसेनासा होईपर्यंत ती तुला हात हलवून निरोप देत होती . हे अनेकजण पाहात होते . तेंव्हा राहीने अनेकांच्या समोर तिला थेट ठणकावले की ही नाटकं थांबव . एकीकडे तुला नकार द्यायचा आणि दुसरीकडे असा निरोप ."
" त्यावेळी गौरीने राहीला काय उत्तर दिलं होतं ? "
" ती म्हणाली की राजेश माझा अत्यंत जवळचा आणि चांगला मित्र आहे . तो ग्रेट आहे . निर्विवाद ग्रेटच आहे