Gram-grum dilanget meuble-ble kilat,
Meudengung darat laot dgn gle,
Jimeusue goe goe raya-raya that,
Bunoe na siat lampue pih mate.
Sayang boh beuteh jiekap le pacat,
Sayang boh coklat meuhai hana le,
Ureung meutani ngen ureng meukat,
Hana sama pakat oh kana hase.
Cobaa tapike tareunueng siat,
Wahai sahabat rakan boh hate,
Ureng meukebon tengoh meuharkat,
Meubeuku urat tip uroe sabe.
Barang kaji-ek bak ureung meukat,
Timue ngen barat sampai maraoke,
Jasa petani pakoen murah that,
Wate geusukat peublo bak toke.
