တောင်တန်းကြီးတွေရှိတယ်လို့ပြောရင်
မင်းယုံမလားမိတာ
တောအုပ်ကြီးတွေလည်းစိမ်းစိမ်းစိုလို့
နေရောင်လာရင်ပျော်တဲ့အရပ်မှာ
ကိုယ်ရောက်နေတာ မနည်းကြာခဲ့ပြီမိတာရယ်
ကောင်းကင်ကတိမ်ထူထူတွေကိုပဲ
မက်မက်မောမော ငေးကြည့်ဖြစ်တဲ့တရက်တာတွေ
ကိုယ့်မှာရှိတယ်
အရွက်ကြွေလက်စသစ်ပင်လေးတွေကို
စူးစိုက်ကြည့်ဖြစ်ခဲ့တဲ့ တရက်တာတွေ
ကိုယ့်မှာရှိတယ်
တလွင့်လွင့်တဝဲဝဲ
မေပဲလ်ရွက်ကြွေတွေကိုလိုက်ရေတွက်နေတဲ့
တရက်တာတွေ ကိုယ့်မှာရှိတယ်
ရောင်စုံရွက်ကြွေတွေကြား
အံ့သြတကြီးနဲ့ရင်သပ်ရှုမောရတဲ့တရက်တာတွေ
ကိုယ့်မှာရှိတယ်
ကိုယ့်ကောင်းကင်ဟာ သိပ်ကြည်စင်တယ်ပြောရင်
မင်းယုံနိုင်ပါ့မလား
အသက်ရှူတဲ့လေတွေလတ်ဆတ်တယ်
ချွေးမထွက်တော့ အတွေးတွေလည်းသပ်ရပ်တယ်
ကိုယ်နေပျော်ပါတယ်
ဒီအရပ်မှာပွင့်တဲ့ပန်းလေးတွေ
ကံကောင်းကြတယ်မိတာ
ခူးဆွတ်ဖျက်စီးမယ့်သူမရှိဘူး
ရန်လိုခြေမွမယ့်သူမရှိဘူး
သူ့အပင်မှာသူတို့ သက်တမ်းစေ့လှနိုင်ကြတယ်
မနက်မိုးလင်းလို့ စမြင်ရတဲ့မြင်ကွင်းဟာ
ဒီနေ့အထိကိုယ့်ကိုသာယာစေတယ်
ဆေးလိပ်ငွေ့တွေကင်းစင်တယ်
ကွမ်းတံတွေးကွက်တွေမတွေ့ရဘူး
ဆူညံအော်ဟစ်တာတွေမလုပ်ကြဘူး
ကိုယ်မင်းကိုပြောခဲ့ဖူးတာမှတ်မိနိုင်ပါ့မလားမိတာ
အဲ့ဒီ့အရပ်ကို ကိုယ်သွားမယ်
အထုပ်ပြင်ထားတယ်ဆိုတာလေ
ကိုယ်ပြချင်တဲ့ရှုခင်းတွေ ကိုယ်ပြောချင်တဲ့စကားတွေ
မင်းမြင်နိုင်ကြားနိုင်ပါစေ
ကိုယ်နေတဲ့အရပ်ကို မင်းလည်းအရောက်လာနိုင်ပါစေ
ချစ်ခြင်းတွေအပြည့်နဲ့ ကိုယ်စောင့်ကြိုရာအရပ်
မင်းထွက်ခဲ့နိုင်ပါစေ
ပျော်ရွှင်စရာစွန့်စားခန်းတွေကို
မင်းအတွက်လက်ဆောင်ပေးပါရစေမိတာရေ ……
စုမွန်သွယ် msu 057
From @sumonthwe