ကျနော်စိတ်ရောဂါတခုအကြောင်းကို ဇာတ်လမ်းလေးဆင်ရေးဖို့ စဉ်းစားမိသေးတယ်။ ရေးလည်းရေးလိုက်တယ်။ ရေးလက်စတန်းလန်းကြီးမှာ ရေးရတာတမျိုးဖြစ်လာလို့ ဆက်မရေးတော့ဘဲထားလိုက်တယ်။ ဖြစ်ရပ်မှန်ဇာတ်လမ်းဆိုရင် အပိုဆာဒါးတွေပါတတ်တယ်လို့ လူတွေထင်သွားမှာစိုးလို့။ အဲ့ဒါနဲ့ ဇာတ်လမ်းလိုမရေးဘဲ အဖြစ်အမှန်အတိုင်းပဲရေးတော့မယ်လို့စိတ်ကူးလိုက်တော့တယ်။ အဖြစ်ကဒီလို။
ကျနော်အပျိုပေါက်အရွယ်ကပေါ့လေ။ မိဘတွေရဲ့ပြဿနာတခုကိုရင်ဆိုင်နေရတဲ့အချိန်ဆိုတော့ ကျနော်တို့သားအမိတွေက ဆင်ခြေဖုန်းမြို့နယ်လေးမှာရှိတဲ့ ဦးလေးတွေအဒေါ်တွေအိမ်မှာ သွားနေကြရတယ်။ ဆင်ခြေဖုန်းမြို့လေးဟာ အဲ့ဒီ့အချိန်က အတော်လေးခြောက်ကပ်တိတ်ဆိတ်လွန်းပါတယ်။ လူခြေနည်းပါးသလို ဆက်သွယ်ရေးကားလမ်းကလည်း အင်မတန်ရှားပါးခေါင်ဖျားလွန်းတဲ့ဒေသလေးပါ။ အဲ့ဒီ့မှာ ဝန်ထမ်းမိသားစုတွေအများစုနေထိုင်ကြတယ်။ ကျနော်တို့နေတဲ့အိမ်ရဲ့ မျက်နှာချင်းဆိုင်မှာလည်း ဝန်ထမ်းမိသားစုတစုနေတယ်။မိသားစုက ကြီးတယ်။ အဖေရယ် အမေရယ် အပြင် သားချည်းပဲလေးယောက်ပါတယ်။ သမီးလေးကတယောက်တည်း။ စီးပွားရေးလည်းသိပ်အဆင်မပြေကြဘူး။ အဲ့ဒီသမီးလေးဆိုတာက ကျနော့်ထက် ဆယ်နှစ်လောက်တော့ကြီးတယ်။ ကျနော်ကမကြီးလို့ခေါ်တယ်။ ခင်လည်းတော်တော်လေးခင်ကြတယ်။ အဲ့မကြီးက သူ့အဖေရုံးမှာပဲ အလုပ်ဝင်လုပ်တယ်။ အလုပ်သွား အလုပ်ပြန်ဆို ခေါင်းလေးငိုက်စိုက်ချပြီး လမ်းလျှောက်တတ်လွန်းလို့ သူ့ကိုမေးကြည့်ဖူးတယ်။ မကြီးက ဘာလို့ခေါင်းငုံ့လျှောက်တာလဲဆိုတော့ လမ်းလျှောက်ရင် ကိုယ့်ခြေထောက်ကိုယ် ကြည့်ပြီးလျှောက်ရတာ သဘောကျလို့တဲ့။ အဲ့လိုပဲနေလာရင်းနဲ့ တနေ့မှာ အဲ့မကြီးက ခြေထောက်ကျိုးပါလေရော။ အရိုးဆေးရုံမှာခွဲစိတ်ရတယ်။ ဖြစ်ချင်တော့ အဲ့ဒီ့နေ့မှာပဲ ကျနော့်ရဲ့အဖေတူအမေကွဲအမက လက်အကြောမှာအကျိတ်ဖြစ်လို့ ဆေးရုံတက်ခွဲရတယ်။ တိုက်ဆိုင်တာက သူတို့နှစ်ယောက်စလုံးကိုခွဲမယ့်ဆရာဝန်က တယောက်တည်းပဲ။ နာမည်က ဒေါက်တာသန့်စင်တဲ့။ အဲ့လိုနဲ့ သူတို့နှစ်ယောက်စလုံး ခွဲစိတ်ပြီးလို့ ဆေးရုံကဆင်း အိမ်အသီးသီးပြန်နဲ့ပဲ ကိစ္စကပြီးသွားတယ်ပေါ့ဗျာ။
ဒါပေမယ့် ကိစ္စက အဲ့ဒီ့အချိန်မှစတာပဲ။ အဲ့ဒီ့မကြီးဟာ သူ့စိတ်ထဲမှာ ကိုယ်ပွားလေးတွေဖြစ်နေတာကို ဘယ်သူမှသတိမထားနိုင်ခဲ့ဘူး။ သူ့ကိုယ်သူလည်းမသိဘူး။ ရက်နည်းနည်းကြာတော့ မကြီးက ကျနော့်အမေကိုရင်ဖွင့်တယ်။ '' အမရယ် ဆေးရုံတက်တုန်းက ဒေါက်တာသန့်စင်ဆိုတာလေ ကျမကိုရည်းစားစကားပြောတယ်။ လက်ထပ်မယ်လို့လည်းပြောတယ်။ တိုက်ပိုင်ကားပိုင်ရှိတယ်။ တက်စီချည်းပဲ အစီးနှစ်ဆယ်ပိုင်တယ်။ အဲ့ဒါ ကျမဘက်ကခေါင်းညိတ်တာနဲ့ လာတောင်းမှာ ။ အဲ့တော့ အမယောက်ျားကနှံ့နှံ့စပ်စပ်ရှိတော့ သူ့အကြောင်းစုံစမ်းပေးပါလား။ ကျမလည်းသူ့ကိုသဘောကျတယ် '' ဘာညာအစုံရင်လာဖွင့်တော့ ကျနော်တို့ကပျော်လိုက်တာဆိုတာ။ သူတို့ကစီးပွားရေးအဆင်မပြေဘူးမဟုတ်လား။ ရိုးလည်းရိုးသားကြတော့ အခုလိုပြည့်ပြည့်စုံစုံဆရာဝန်တယောက်က လက်ထပ်ခွင့်တောင်းတယ်ဆိုတော့ မကြီးတော့ ကောင်းစားတော့မယ်ပေါ့လေ။ အဲ့တော့ ဝမ်းသာအားရပဲ စုံစမ်းပေးမယ် မေးပေးမယ်ဆိုပြီး အာမခံလိုက်ရော။ အဖေကလည်းစုံစမ်းတယ်။ ဟုတ်တယ်ပေါ့။ ဒေါက်တာသန့်စင်ဆိုတာရှိတယ်။ အမှန်ပဲပေါ့။ ဒါပေမယ့် တက်စီအစီးနှစ်ဆယ်လောက်ပိုင်တယ်ဆိုတာတော့ မသိဘူးပေါ့။ ဆိုတော့ မကြီးကထပ်အပူကပ်တယ်။ ဆေးရုံကိုသွားစုံစမ်းပေးပါပေါ့။ ဒေါက်တာသန့်စင်နဲ့တွေ့ပြီး သေချာမေးပေးပါပေါ့။ ဆိုတော့ ကျနော်တို့သားအမိခမျာ ဟိုးးမြို့အစွန်ဆင်ခြေဖုန်းကနေ ဆင်မလိုက်အရိုးဆေးရုံအထိကို ကားတွေအဆင့်ဆင့်စီးပြီး သွားခဲ့ရတယ်။ တလမ်းလုံးလည်း သားအမိနှစ်ယောက်တိုင်ပင်ကြတယ်။ ဟုတ်ပါ့မလား။ မှန်ရဲ့လား။ ဆရာဝန်ကတကယ်ပဲလက်ထပ်ပါမယ်ပြောခဲ့ရင်တောင် မိသားဖသားပီပီတောင်းရမ်းမှာပေါ့။ လက်လွတ်စပါယ်ဘယ်လုပ်မလဲ ဘာညာအစုံပေါ့လေ စဉ်းစားကြတာ။ အဲ့လိုနဲ့အရိုးဆေးရုံရောက်တယ်။ ရောက်တော့ ဒေါက်တာသန့်စင်နဲ့တွေ့ချင်လို့ပါဆိုပြီး ခွင့်တောင်းတယ်။ ဖြစ်ချင်တော့ ဒေါက်တာသန့်စင်က အရေးကြီးတဲ့ခွဲစိတ်မှုတခု လုပ်နေရလို့ ခွဲခန်းထဲမှာ ကြာအုံးမယ်တဲ့။ ပထမတော့သားအမိနှစ်ယောက်စောင့်နေသေးတယ်။ နောက်တော့ အိမ်ပြန်မယ်လို့ပဲဆုံးဖြတ်လိုက်တယ်။ ဆက်သွယ်ရေးခေါင်းပါးတဲ့ဆင်ခြေဖုန်းမြို့လေးကို ပြန်ဖို့ဆိုရင် ဆင်မလိုက်ကနေ သုံးနာရီလောက်ကားစီးမှရတယ်။ ဒါတောင်ကားစောင့်ချိန်မပါဘူး။ အဲ့တော့ အပြန်မှောင်မှာစိုးလို့ မစောင့်တော့ဘဲပြန်သွားလိုက်တော့တယ်။ အပြန်လမ်းမှာလည်း အမေကပြောတယ်။ မကြီးရဲ့အမေကိုအသိပေးလိုက်ရင်ကောင်းမယ်ပေါ့လေ။
အဲ့လိုနဲ့ဗျာ ။ နောက်နေ့ကျတော့ မကြီးကိုပြောရတာပေါ့ မတွေ့ခဲ့ဘူးဆိုတဲ့အကြောင်း။ အဲ့တော့သူကပြောတယ်။ ဆရာကဖုန်းဆက်တယ်ပေါ့ ။ ဘယ်နေ့တော့လာမယ်ပေါ့။ မိဘတွေကိုလာမှပဲအသိပေးပါပေါ့။ ကျနော်တို့မှာ ဟ အဲ့လိုဆိုကောင်းတာပေါ့။ လိုက်စုံစမ်းမယ့်အစား ထိုင်စောင့်လိုက်ပေါ့။ ဒါပေမယ့် ဇာတ်လမ်းက မပြီးဘူး။ ဆရာကဘယ်ကိုချိန်းလို့ သွားတွေ့ရပါတယ်ဆိုတာကတမျိုး ဖုန်းဆက်လို့အိမ်ကလူတွေမသင်္ကာဖြစ်နေပြီဆိုတာကတဖုံနဲ့။ ချိန်းတွေ့ရင်လည်း ဆရာက ( ကန်တော့ပါရဲ့ ) ပါးလေးနမ်းဘာလေးနမ်းလုပ်သတဲ့။ သူပြောပုံအရက အဆင့်တွေကျော်နေတဲ့အနေအထား။ အဲ့တော့ ကျနော်တို့ကစိုးရိမ်တာပေါ့။ မကြီး အတင့်မရဲနဲ့ဘာညာ။ နောက်တော့ ဆရာတင်မကတော့ဘူး။ သူ့နောက်ကို ဘယ်ကောင်လေးက လိုက်လာပြန်ပြီပေါ့။ ဘယ်ကောင်လေးက အသဲအသန်ဖြစ်နေပါပြီပေါ့။ စာတွေဘာတွေတောင်လိုက်ပေးသေးတာဆိုပဲ။ အဲ့စာတွေလည်းပြတယ်။ ဟင် ကျနော်တို့က စိတ်ပူရရော။ဆရာနဲ့ပဲယူပါဘာညာဖျောင်းဖျ။ နောက်တော့ သူ့အခြေအနေကအတော်ဆိုးလာတယ်။ အိမ်မှာသူတယောက်တည်းရှိနေချိန်မှာ သူ့ကိုကြိုက်နေတဲ့လူတယောက်က အိမ်ပေါ်တက်ပြီးစော်ကားသွားတယ်ဆိုတဲ့အဆင့်ထိဖြစ်လာပါလေရော။ အဲ့တော့အမေက သေချာမေးရတော့တယ်။ ဘယ်လိုဖြစ်တာလဲ ဘာတွေဖြစ်တာလဲဆိုတာ ။ သူပြောပြတာကလည်း ဖြောင့်လို့ဖြူးလို့ပဲ။ အမှန်ပဲ။ လူတယောက်ကစော်ကားသွားတဲ့ပုံစံတွေ။ အပျိုတယောက်မသိသင့်တဲ့ မသိနိုင်တဲ့ကိစ္စတွေပါ ပြောတော့ ဒါဟာတကယ်ပဲလူတယောက်လာစော်ကားသွားတယ်ဆိုတာ ပေါ်လွင်နေတယ်။ ကျမဘဝသွားပါပြီပေါ့။ ဆရာနဲ့လည်းဝေးပြီဘာညာပြောပြီး ငိုတော့တာပဲ။ အဲ့တော့မှ အမေက မဖြစ်တော့ဘူး။ သူ့အမေကိုပြောမှပဲဆိုပြီး သူ့အမေကိုသေချာပြောပြလိုက်တယ်။ ပထမတော့သူ့အမေကရန်လုပ်မယ်ထင်တာ။ နောက်တော့မှ သူ့သမီးအဲ့လိုဖြစ်နေတာ သူတို့လည်းရိပ်မိကြောင်း သူ့သမီးပြောနေတာတွေ တခုမှမဟုတ်ကြောင်း အိမ်ကိုလည်း ဘယ်သူမှဖုန်းမဆက်ကြောင်း အိမ်မှာတယောက်တည်းရှိတယ်ဆိုတာလည်းမဖြစ်နိုင်ကြောင်း ရုံးဆင်းချိန်ဆိုရင် အိမ်မှာလူစုံပြီး ရုံးသွားချိန်ဆိုလည်း အိမ်မှာချွေးမတွေကျန်ခဲ့ကြောင်း။ စိတ်အခြေအနေတခုခုဖြစ်နေတယ်လို့ထင်ကြောင်း ဘာလုပ်ရမှန်းမသိကြောင်း စသဖြင့်ပြောတော့ နောက်ဆုံး စိတ်ရောဂါကုဆရာဝန်နဲ့ပြဖို့ တိုင်ပင်လိုက်ကြတယ်။ အမေကလည်းအံ့သြလို့ပေါ့။ ကျနော်တို့မှာလည်း ဟင်တွေ ဟာတွေဖြစ်ကုန်တာ။ ဟုတ်ပါ့မလားပေါ့။ မကြီးက လုပ်ကြံဇာတ်တွေကို အဲ့လောက်ကြီးလုပ်ပါ့မလားပေါ့။ သူ့အမေက သူ့သမီးသိက္ခာဆယ်ချင်တာနဲ့ပဲ မဟုတ်ဘူးလို့ပြောလားပေါ့။ စိတ်ထဲမှာဒွိဟတွေဖြစ်တာဆိုတာ။ နောက်မကြာပါဘူး။ မကြီးအမေက ကျနော့်အမေကိုလာပြောတယ်။သူ့သမီးအတွက် ယောက်ျားရှာပေးဖို့။ ဆင်းရဲချင်သလောက်ဆင်းရဲပါစေ ရိုးသားရင်ပြီးရော ကောင်လေးတယောက်ရှာပေးပါဆိုပြီး။ ပုဆိုးမပါရင်တောင် ပုဆိုးဆင်ပါ့မယ်ဆိုပြီး။ အဲ့တော့ အမေကမေးရတယ်။ ဆရာဝန်ကဘာပြောလဲပေါ့။
ဆရာဝန်က ဘာပြောလဲဆိုတော့ အိမ်ထောင်ချပေးလိုက်ပါပေါ့။ ဟော်မုန်းအပြောင်းအလဲကြောင့် စိတ်ဂယောက်ဂယက်ဖြစ်တယ်ပေါ့။ သတိမထားမိတော့ စိတ်ဂယောက်ဂယက်အခြေအနေကနေ စိတ်နှစ်ခွအခြေအနေထိပါဖြစ်သွားတယ်ပေါ့။ မူရင်းစိတ်က ယောက်ျားလိုချင်လို့မဟုတ်ပေမယ့် ကိုယ်တွင်းသွေးသားအခြေအနေတွေပြောင်းလဲလာတဲ့အခါ စိတ်ကပါ အဲ့လိုတွေဖြစ်ကုန်သတဲ့။ အဲ့ဒါကိုအချိန်မီသတိထား ကုသနိုင်မှ အမြန်ပျောက်တယ်ပေါ့။ မဟုတ်ရင် အဲ့ဒီ့အကြောင်းတွေကိုရိပ်မိနေတဲ့ ယုတ်မာသူတွေက ဖျက်စီးသွားတတ်တယ်ပေါ့။ အင်းးး အဲ့ဒါကြောင့် ရုံးပြန်ချိန်တွေမကြီးကိုလမ်းမှာတွေ့ရင် ခေါင်းငုံ့ပြီး ပြုံးပြုံး ပြုံးပြုံးနဲ့ စကားတွေပြောနေတာကို မကြီးလို့များနှုတ်ဆက်လိုက်ရင် အလန့်တကြားနဲ့ ပြန်မော့ကြည့်တတ်တာကိုး။ သတိထားစရာတွေလေ။ နောက်တော့မကြာပါဘူး။ အဲ့အမကြီး အိမ်ထောင်ပြုလိုက်တယ်။မိဘကသဘောတူပြီးသူတို့လည်း ချစ်ကြလို့ ပေးစားလိုက်တာ။ ထူးဆန်းတာက အိမ်ထောင်ကျပြီး လပိုင်းလောက်ပဲရှိသေးတယ် သူဖြစ်ခဲ့တာတွေမေ့ကုန်တယ်။ ကျနော့်အမေကိုသူပြောခဲ့တဲ့စကားတွေ သူမသိတော့ဘူး။ ဆေးခန်းပြခဲ့တာ ဘာကြောင့်ဆိုတာ သူမသိတော့ဘူး။ ဒေါက်တာသန့်စင်ဆိုတာလည်း သူမမှတ်မိဘူး။ သူ့ကိုခြေထောက်ခွဲစိတ်ခဲ့တာပဲသိတယ်။ အဲ့ဒီ့ဆရာဝန်ကိုနာမည်တောင်မသိတော့ဘူး။ အိမ်ထောင်ကျပြီး ခြောက်လလောက်ကြာတော့ သူ့ဟာနဲ့သူနေသားတွေကျပြီး ဟိုးအရင်လိုပဲပုံမှန်တွေပြန်ဖြစ်လို့။ အခုဆို ကလေးတောင်နှစ်ယောက်ရနေပြီ။ စီးပွားရေးလည်းအဆင်တွေပြေလို့။ အခုနောက်ပိုင်းပြန်တွေ့ရင် ဆိုင်ကယ်ပေါ်မှာထိုင်ပြီး ဈေးဝယ်ထွက်တဲ့ သူတို့မိသားစုကို စိတ်ချမ်းသာစွာတွေ့ရတော့တာပဲ။
ဘာကြောင့်ဖြစ်တတ်တယ်ဆိုတာတွေကို နောက်ပိုင်းမှလေ့လာဖြစ်တယ်။ စိတ်ရောဂါကုဆရာဝန်တွေနဲ့လည်း စိတ်ပိုင်းဆိုင်ရာတွေ ဆွေးနွေးဖူးတယ်။ စာအုပ်တွေလည်းဖတ်တယ်။ ဒါပေမယ့် တချို့ရောဂါအနုစားတွေက ဆရာဝန်တွေတောင် ကြည့်တာနဲ့မသိဘူးတဲ့လေ။ စာအုပ်တွေဘယ်လောက်ဖတ်ထားဖတ်ထား ကိုယ်တွေလို ဘာမဟုတ်ညာမဟုတ်တွေက လူတယောက်ကိုကြည့်တာနဲ့ ရောဂါရှိပါတယ်လို့ ဘယ်လိုဆုံးဖြတ်မလဲနော့။ ကိုယ်တွေစိတ်ဝင်စားလို့လားမသိဘူး။ အဲ့ဒီလိုစိတ်စံလွဲဖြစ်ရပ်တွေ မျက်စိရှေ့မှာအများကြီး တွေ့ခဲ့ရတယ်။ အခွင့်ကြုံရင် ရေးချင်စိတ်ဖြစ်ရင် စာရေးနိုင်တဲ့အင်အားရှိရင် အတွေ့အကြုံလေးတွေ ရေးပါအုံးမယ်လို့။ :D
တော်သေးပြီ
စုမွန်သွယ်
MSU No 057