တခါတလေ အားနည်းနုံးချည့်နေတဲ့အချိန်မှာ တံတွေးမျိုချရတာတောင်ပင်ပန်းတယ်ထင်ရတယ်။
ဘာဆိုဘာမှ မလုပ်ချင်ဘူး။ မလုပ်ချင်ဘူးဆိုတာထက် မလုပ်နိုင်ဘူးပေါ့လေ။အိပ်ယာထဲမှာပဲခွေနေချင်တာ။ နှလုံးခုန်နှုန်းက အားနည်းချိန်ဆို ပိုကျယ်တယ်ထင်တယ်။ တဒိန်းဒိန်းနဲ့။ ဒီလိုအချိန်ဆို ဘယ်သူ့ကိုမှလည်း စကားပြောချင်စိတ်မရှိဘူး။ ပြောဖို့ အားလည်းမရှိဘူး။ မျက်လုံးမှိတ်ပြီး မှိန်းနေချင်တာရယ်။ ပြောရရင် ဇိမ်ခံချင်နေတာ။ အနှိပ်ခံချင်နေတာ။ ခေါင်းကနေခြေထောက်ထိ အနှိပ်ခံချင်နေတာ။ ဒါပေမယ့် အနှိပ်ကောင်းတဲ့ ခေါင်းလျှော်ရည်ဆိုင်သွားဖို့တောင် အားကမရှိ။ အသက်ရှူသံလား သက်ပြင်းချသံလားမသဲမကွဲ။ နေမွန်းတိမ်းနေပြီ။ မနက်စာမချက်ရသေးဘူး။ ကလေးကလည်း တအီအီနဲ့ အနားကမခွာဘူး။ သူအိပ်လိုအိပ်ငြား ခေါင်းလေးပွတ်ပေးလည်း ခနပဲငြိမ်တာ။ စိတ်ထဲမှာတော့ ထမင်းထချက် အိမ်ထရှင်း ပန်းကန်ထဆေးနေတာအကြိမ်ကြိမ်။ သတိရလို့ ပြန်ကြည့်လိုက်ရင် အိပ်ယာထဲကကို မထွက်ဖြစ်သေးတော့ စိတ်ပျက်ရပြန်ရော။ ခက်ပြီ။ တလနီးပါးမတိုက်ဖြစ်တဲ့ မီးပူပုံကြီးကိုကြည့်ပြီးလည်း စိတ်ညစ်ရတယ်။ ကိုယ်ကလည်း ကိုယ့်အိမ်အလုပ်ကို သူများလုပ်ပေးတာမကြိုက်။ လောလောဆယ် ကိုယ်လည်း ဘာမှမလုပ်နိုင်။ တကယ်ခက်ပြီ။
တခါတလေပေါ့လေ။ မနက်အိပ်ယာစောစောထတာနဲ့ မျက်နှာသစ်ပြီး ဘာမှလုပ်စရာမလိုဘဲ အဆင်သင့်ပြင်ဆင်ထားတဲ့မနက်စာကို စားချင်တယ်။ ပြီးရင် ဖုန်းလေးကိုင် စာလေးဖတ်။ ဖဘလေးဘာလေးကြည့်။ ခနပြန်အိပ်ချင်အိပ်မယ်။ ကလေးကိုလည်း ကိုယ်တကယ်စိတ်ချရမယ့်တယောက်နဲ့ ခနဖြစ်ဖြစ်ထိန်းထားစေချင်တယ်။ နေ့လည်လောက်ကျရင် အေးအေးဆေးဆေး ရေချိုး ခေါင်းလျော်။ သီချင်းလေးလည်းတိုးတိုးဖွင့်ထား။ အဲ့လို။ ပြီးရင် မီးပူတိုက်ပြီးသားတွေပြည့်နေတဲ့ ဗီဒိုကိုဖွင့်ပြီး ပေါ့ပေါ့ပါးပါးအဝတ်တွေ ရွေးဝတ်မယ်။ နောက်တော့ စားပွဲပေါ်မှာ အဆင်သင့်တင်ထားတဲ့ ထမင်းဟင်းစုံပူပူလေးတွေကို မြိန်မြိန်စားမယ်။ စားပြီးရင် ကျွဲကောသီးလေး ရှောက်ချိုသီးလေးနဲနဲစားမယ်။ ပန်းကန်တွေလား။ မဆေးဘူး။ ဆေးစရာမလိုဘူး။ စားပြီးရင် အိပ်ယာထဲဝင် အေးအေးဆေးဆေးရုပ်ရှင်လေးတကားကြည့်။ ပြီးရင် တရေးအိပ်။ ဟိဟိ။ ဇိမ်ပဲ။ အိပ်ယာနိုးရင် မျက်နှာလေးဘာလေးသစ် ဖီးလိမ်းပြင်ဆင်ပြီး ကော်ဖီလေးသောက် မုန့်လေးအသီးလေးနဲနဲစား။ ပြီးရင် ပန်းခြံလေး ရှော့ပင်မောလေးဘာလေးပတ်ကြည့် လမ်းလျှောက်။ ကိုယ်တွေနေရာက ပတ်ပတ်လည်မှာ ရှော့ပင်မောတွေချည်းပဲ ။ ကြိက်တဲ့နေရာကိုဝင်။ လမ်းလျှောက်ရင်းနဲ့ လေ့ကျင့်ခန်းလေးနဲနဲပါးပါးလုပ်။ ဟိုငေးဒီငေး။ ပြီးရင် ဆိုင်တဆိုင်မှာ ညစာဝင်စား အရွက်သုတ်လေးစား ဖျော်ရည်လေးသောက်။ အဲ့နောက်တော့ အိမ်ပြန် ။ ရေနွေးလေးနဲ့ရေချိုး ညအိပ်ဝတ်ပွပွကြီးဝတ်။ မျက်နှာကို တိုနာသုတ် နို့ရည်လိမ်း။ ပြီးရင် အဆင်သင့် ဖျောင့်ဖြူးနေအောင်ခင်းထားတဲ့ အိပ်ယာပေါ်မှာ အသာအယာလှဲ။ ဖုန်းကလေးကိုကိုင် စာအုပ်လေးဖတ်။ ၁၀နာရီဆိုမီးပိတ် အိပ်။
တခါတလေပေါ့လေ။
အဲ့လိုလေးလိုချင်မိသား။ တရက်လောက်ဖြစ်ဖြစ်။ နှစ်ရက်လောက်ဖြစ်ဖြစ်။ တပတ်လောက်ဖြစ်ဖြစ်။ လျှော်စရာအဝတ်တွေ ၊ မလှမ်းရသေးတဲ့ စက်ထဲကအဝတ်တွေ၊ မီးပူတိုက်ရမယ့်အဝတ်တွေ မမြင်ချင်ဘူး။ တခါတလေပေါ့လေ။
မိုးလင်းတာနဲ့ ဟင်းချက်စရာတွေ သန့်ရှင်းရေးတွေ မလုပ်ချင်ဘူး။
တခါတလေလေးပါ။ အဲ့ဒါကို me time လို့ခေါ်လေမလား။
တခါတလေပေါ့ ။
စုမွန်သွယ်