Ngiti na mahirap maitatanggi kaninuman
Sabay tapik sa balikat taya sa taguan
Takbo doon takbo dito at sa kung saan
Halakhak at buntong hininga na di mapigilan
Masasayang panahon na ating pinagsaluhan
Lumipas man ay di kailan makakalimutan
Pagmamahal sa bawat isa magpakailanpaman
Magsisilbing tatak sa puso at isipan
Mga pahina sa larawan atin muling buksan
Pagdungaw sa kahapon sabay nating balikan
Kumupas man ang pagkabibo ng ating katawan
Bagkus alaala di kailan mababayaran
Sa maraming taon na nakalipas at nagdaan
Ang iba kung saan marahil namaalam man
Tayo parin ay mananatiling magkaibigan
Ating pagdadamayan magpawalang-hangganan
