HELLO MY FRIENDS IN STEEMIT AND esteem ສະບາຍດີຊາວ Esteemit ທຸກທ່ານມື້ນີ້ນຳສະເຫນີສິ່ງມະຫັດຈັນຊາວພຸດໃນອິນໂດນີເຊຍ
ພຣະທາດເຈດີ “ບໍຣົມພຸດໂທ” [Borobudur] ສິ່ງມະຫັດສະຈັນຂອງໂລກ ມີອາຍຸເກົ່າແກ່ທີ່ສຸດແຫ່ງໜຶ່ງຂອງອິນໂດເນເຊຍ ສ້າງຂຶ້ນໃນສະໄໝ “ພຣະເຈົ້າແຜ່ນດິນຣາຊວົງໄສແລນ” ລະຫວ່າງ ຄສ.778 - ຄສ.850 ແລະໄດ້ຮັບການຍົກຍ້ອງຈາກອົງການອຸຍເນສໂກ ໃນປີ ຄສ.1991 ວ່າ ເປັນມໍລະດົກໂລກ
ແຕ່ລະປີຈະມີງານເທສະການບູຊາທີ່ຍິ່ງໃຫຍ່ ຈັດຂຶ້ນໃນໄລຍະວັນວິສາຂະບູຊາ ເຊິ່ງຈະມີຊາວພຸດຈາກທົ່ວໂລກມາບູຊານະມັດສະການ ແລະມີພິທີສຳຄັນຕ່າງໆ ທີ່ເປັນບຸນປະເພນີທີ່ໄດ້ຮັບຄວາມນິຍົມສູງຂອງອິນໂດເນເຊຍ
ບຸໂຣພຸດໂທ (ຫຼືບໍຣົມພຸດໂທ) ເປັນພຸດທະສະຖານແບບຮິນດູຊວາ ສີລະປະການກໍ່ສ້າງມີລັກສະນະແບບອິນເດຍຜະສົມກັບອິນໂດເນເຊຍ ເປັນຮູບຊົງຄ້າຍຄືກັບດອກບົວທີ່ເປັນສັນຍາລັກທາງພຸດທະສາສະໜາ ສິ່ງກໍ່ສ້າງແມ່ນເຮັດມາຈາກຫີນພູເຂົາໄຟ ມີທັງໝົດ 10 ຊັ້ນ ແຕ່ລະຊັ້ນຈະບົ່ງບອກເຖິງເລື່ອງຕ່າງໆກ່ຽວກັບຊີວິດຂອງມະນຸດ ແລະ ສະແດງເຖິງຄຳສອນທາງພຸດທະສາສະໜາ ເຊັ່ນ ເລື່ອງກົດແຫ່ງກຳ ກິເລສ ຕັນຫາ ການວຽນວາຍຕາຍເກີດ ບາບບຸນຄຸນໂທດ ໄປຕາມລຳດັບ ຈົນເຖິງເລື່ອງ ໂລກກະທາດ (ອະຣູປະທາຕຸ) ເປັນຕົ້ນ ໂດຍນັກວິຊາການທາງພຸດທະສາສະໜາຕ່າງກໍ່ເບິ່ງເຫັນວ່າ ຮູບຊົງການກໍ່ສ້າງແມ່ນ ຖ່າຍທອດອອກຈາກຄຳສອນທາງພຸດທະສາສະໜາ ແລະຊັ້ນສູງສຸດຄືການຫລຸດພົ້ນຈາກວັດຕະສົງສານ ຄືເຂົ້າສູ່ ນິບພານ ທີ່ພຣະພຸດທະເຈົ້າເປັນຜູ້ນຳທາງໄປແລ້ວ
ໃນແຕ່ລະມື້ ຈະມີນັກທ່ອງທ່ຽວຈຳນວນຫຼວງຫຼາຍ ຈາກທັງໃນແລະຕ່າງປະເທດ ແລະທັງເປັນຊາວພຸດແລະຕ່າງສາສະໜາ ເຖິງແມ່ນວ່າໃນປັດຈຸບັນ ອິນໂດເນເຊຍ ຈະມີປະຊາກອນທີ່ນັບຖືສາສະໜາອິດສະລາມ ເກືອບຮອດ 100% ກໍ່ຕາມ ແຕ່ສະຖານທີ່ແຫ່ງນີ້ກາຍເປັນອັນຍະມະນີລໍ້າຄ່າທີ່ສ້າງລາຍໄດ້ຢ່າງຫຼວງຫຼາຍແກ່ອິນໂດເນເຊຍ
ສຶກສາເພີ່ມເຕີມ ເຟສບຸກ:ວັດລາວສວຍງາມ