မျက်ဝန်းကို ကြယ်နဲ့နှိုင်းတဲ့ ကဗျာတွေဖတ်ပြီး
မမနဲ့နှိုင်းဖို့ ကြယ်လိုက်ရှာတယ်
နဂါးငွေ့တန်းသာ ဆုံးသွားတယ်
မမမျက်ဝန်းလောက် လှတဲ့ကြယ်မတွေ့ခဲ့…
နောက်တစ်ခါ Big Bangထပ်ဖြစ်လို့
စကြ်ာဝဠာအသစ်ဖြစ်တဲ့အခါ
မမသီရိမျက်ဝန်းလို ကြယ်များ ပါစေလို ။
ဂယ်လီလီယို ရှာမတွေ့တဲ့ကြယ်ဟာ
မမသီရိမျက်ဝန်းလေး ဖြစ်မယ်
Kဇော်မစပ်ဖြစ်တဲ့ အချစ်ကဗျာလေး
လေးဖြူ မဆိုဖြစ်တဲ့ သီချင်း
ဗီသိုဗင် မတီးနိုင်တဲ့ စန္ဒယားလေးရေ
ဒါဗင်ချီ ငိုစေတဲ့ မမသီရိရေ
ကျနော့်အမှောင်တွေ ခွင်းပါတော့
မမသီရိအပြုံးနဲ့ လင်းပါတော့ ။
မဟာဆန်သူလို့ ပြောရင်
ရင်ဖုံးနဲ့ဆံထုံး ပြေးမြင်သူတွေ
မမသီရိကို ခေါ်ပြချင်တယ်…
ဂျင်းပန်နဲ့ အော်တာရှပ်လည်း
မဟာဆန်လို့ ရတဲ့အကြောင်း
ဆံပင်ရှည်တွေ ဖြန့်ချလည်း
သိပ်ကို မဟာဆန်လို့ ရတဲ့အကြောင်း
ရှင်းပြချင်ရဲ့ ။
ချစ်ခြင်းမေတ္တာနဲ့ အရည်ရွှမ်းတဲ့ သစ်သီးလို
ဥာဏ်ပညာအပြည့်နဲ့ မလိုင်ခဲလို
သစ်မွှေးပင်ထိပ်ဖျားက သဇင်ပန်းလို
ပန်းမျိုးစုံထည့်ထားတဲ့ ပေါင်းအိုးကြီးထဲက
အမွှေးခဲလို
မမသီရိဟာ
ချိုတယ်ဆိုတာထက် နည်းနည်းပိုတယ်
မမဘေးမှာ နှုတ်ခမ်းကို ထိခွင့်ရဖို့
ကံကောင်းတဲ့ ကော်ဖီခွက်လေး ဖြစ်ချင်တယ်
မမခေါင်းမှာ ဆံနွယ်တွေ နမ်းခွင့်ရဖို့
မာန်တက်တဲ့ စပယ်တွေ ဖြစ်ချင်တယ်
ကွန်ပြူတာလေးအစ
ဘောပင်လေးအဆုံး
မမသီရိ ထိတွေ့သမျှ အရာရာဖြစ်ချင်စိတ်နဲ့
ရူးနေတဲ့ စာရွက်လေးဟာ ကျနော်ပါ ။
မမသီရိရေ…
ခေါ်ရင် မကြားနိုင်တဲ့ အကွာဝေးမို့
တယ်လီဖုန်းလေးအားကိုးနဲ့ မိုက်ရူးရဲတဲ့ကောင်ပါ
Black listထဲ ကျနော်ရှိတယ်
Block listထဲ ကျနော်ရှိတယ်
တစ်ခါ တစ်ခါ
ပြန်မဖြေတဲ့ messageတွေအတွက်
မာန်တောင် တက်ချင်တယ်…
မင်းကုသလည်း ပဘာဝတီကို
စိတ်ရှည်လက်ရှည် စောင့်ခဲ့တယ်
အောင်ချိမ့်လည်း ခင်ခင်ပျိုကို စောင့်ခဲ့တယ်
သစ်ငုတ်တောင် တိုက်ပါများရင်
နဲ့ရဲ့ မဟုတ်လား
မမဆံပင်ရှည်တွေက ဘာသားနဲ့
ထုထားလို့လဲ…
မမ ဥပေက္ခာကျောက်ဆောင်ကို
မြတ်နိုးခြင်းအရှိန်ဟုန်နဲ့ ဝင်တိုက်မယ်
မြားနတ်မောင်ကို လာဘ်ထိုးမယ်
ကျနော့်နဖူးမှာ မမနာမည် တက်တူးထိုးမယ်
ဗီးနပ်သနားတဲ့တစ်နေ့
မမ ကျနော့်ကို တွေ့မှာပါ ။
မမသီရိကိုင်ထားတာ
မီးစာတစ်ဖက် ရေမှုတ်တစ်ဖက်ဆိုရင်တောင်
အလောင်ကြွမ်းခံမယ့်ကောင်ပါ
ကျနော့်ကိုလောင်တဲ့မီး မမကိုအပူဟပ်တဲ့အခါ
ရေမှုတ်လေးကို မမဖို့ ချန်ထားပါ ။
ဆံပင်တွေထဲ
တန်ဘိုးထားမိတာ
ဗုဒ္ဓဆံတော်နဲ့ မမသီရိဆံနွယ်ပဲရှိတယ်
ဆံတော်ကို ကိုးကွယ်ပြီး
ဆံပင်အုံထူကြီး မြတ်နိုးမိတယ် …
ဘုရားရင်ပြင်ဟာ
ပေဘယ်လောက်ရှည်လဲ
တစ်ပေမှာ ခြေလှမ်းဘယ်လောက် ရှိလဲ…
ဘုရားရင်ပြင်မှာ
ပန်းစည်းလေးပွေ့ပြီးလျှောက်လာတဲ့
မမခြေလှမ်းအရေတွက်ကို
ကုဋေတစ်သန်းနဲ့ မြောက်ကြည့်တာ
အနိစ္စ…
ဒုက္ခ…
အနတ္တ…
မမ…
အဲ့ဒီလိုအော်ရင်း
စိတ်တွက်စက်လေး ဟမ်းသွားပေါ့ ။ ။
@sibobo