UROE NYOE KARU bideueng korupsi
Dua petinggi jadi berita
Sidroe di Gayo Bapak Ahmadi
Gob nyan bupati ureueng that muda
Gob nyan that carong bak pula kupi
Get that geuturi kupi Arabika
Sabtu dan Minggu di pagi hari
Geupanen kopi di lampoh raya
Senin - Jumuat jadi bupati
Geu-urus negri bersama Sekda
Ulon weueh hate baca Serambi
Bapak Ahmadi didrop KPK
Sidroe treuk nama nibak provinsi
Bapak Irwandi gubernur kita
Geuba peusawat carong han sakri
Teureubang tinggi lam awan mega
Leupah le jasa Bapak Irwandi
Rakyat lam negri geubri JKA
Berobat gratis di Aceh sini
Hana sitali teubiet beulanja
Tapi that seudeh bak tiga Juli
Bapak Irwandi keunong perkara
Keunong OTT bideueng korupsi
Jaroe digari oleh KPK
Malam nyan laju sidroe Bang Wandi
Diselidiki bak kanto Polda
'Oh singoh uroe diba u Betawi
Seudeh Darwati istri tercinta
Takirem doa untuk Bang Wandi
Gob nyan lam hati beurayeuk saba
Ka keunong carueh OTT krupsi
Nibak Serambi ka na berita
Mandum atra nyoe Allah nyang uji
Bak buleuen Juli di Aceh Raya
Sidroe gubernur sidroe bupati
Meunan teukeudi kheundak Rabbana
Tjahjo Kumolo Bapak Mendagri
Geutunjuk ganti keu Bapak Nova
Jabatan gubernur laju berganti
Bapak Irwandi ka ro ie mata
Tajak u Medan ta jak jep kupi
Singgah di sini Cafe Mulia
Nyang po keude nyan geutanyoe turi
Cit ureueng Sigli abang Amiga
Sep keuh 'oh noe haba lon rawi
Peumeu-ah akhi keu lon nyang muda
Bak laen watee tasambong rawi
Sekali-kali bideueng Poh cakra 1982.
Bak UIN laen lom akhi
Fared Wajdi ka abeh masa.
Ka geuganto le agama menteri
Geu ucap janji keu warol Wajdi
Wahai pak warool neujaga Ar Raniry
Pileh ke waki yang ingat ilahi
Bek na singoh lahe korupsi
Seubab Ar-Raniry UIN islami.
