.
ဝင်ငွေ နှစ်မျိုး ရှိတယ်။
ဝန်ထမ်းဖြစ်ဖြစ် / ကိုယ်ပိုင်စီးပွားရေးဖြစ်ဖြစ် အလုပ်လုပ်ပြီး ရတဲ့ဝင်ငွေဟာ Active Income ဖြစ်ပြီး ..
ငွေတိုးချေးလို့ အတိုးရငွေ ၊ အိမ်ငှားထားတဲ့အတွက် ငှားရမ်းခရငွေ ၊ ကား owner ကြေးရငွေ ၊ ရှယ်ယာဝေစု ... အဲဒီလိုမျိုး အလုပ်မလုပ်ပဲ ရတဲ့ဝင်ငွေဟာ Passive Income ဖြစ်တယ်။
နွား မွေးဘက်ပေးတာ ၊ ၀က်မွေးတာ ၊ စပါးရိတ်စက်အငှားလိုက်တာ လိုမျိုး .. ရတဲ့ဝင်ငွေတွေကလည်း Passive Income ပဲ ဖြစ်တယ်။
** Passive Income ဟာ ၀င်ငွေပေါင်းထည့်ပေးတဲ့ပိုင်ဆိုင်မှု(Assets)ကနေ ရလာတဲ့ဝင်ငွေပါ။ [Liability နဲ့ Asset - အပိုင်း(၂)တွင်ရှု]
.
ငွေကြေးစီမံပုံ နမူနာ ။
တစ်လ၀င်ငွေ (၅) သိန်း ရှိသူတစ်ယောက်အတွက် ငွေကြေးစီမံပုံကို နမူနာတွက်ပြပါမယ်။
မြန်မာပြည်အနေအထားအရ လက်တွေ့မှာ ဒီထက်ဝင်ငွေများသူရှိသလို ၊ ဒီလောက်ဝင်ငွေမရသူလည်း ရှိပါတယ်။
အခုက ငွေကြေးစီမံပုံ ရှင်းပြချင်တာဖြစ်တဲ့အတွက် ၀င်ငွေ (၅)သိန်း ရှိသူက နမူနာပါ။
တစ်လ၀င်ငွေ - ၅၀၀၀၀၀ (၅ သိန်း)
ထွက်ငွေ -
• နေစရိတ် - ၅၀၀၀၀
• စားစရိတ်၊ အသုံးစရိတ် - ၁၀၀၀၀၀
• သင်တန်းကြေး - ၂၀၀၀၀
• အထွေထွေ - ၅၀၀၀၀
စုစုပေါင်းထွက်ငွေ - ၂၂၀၀၀၀ (၂ သိန်း ၂ သောင်း)
တစ်လ၀င်ငွေ (၅)သိန်းမှာ -
အသုံးစရိတ် (၂သိန်း ၂သောင်း)ရှိတဲ့အတွက်
အသားတင်ကျန်ငွေက ၂သိန်း ၈သောင်း ပါ။
အဲဒါကြောင့် တစ်လအတွက် လစာ (၅)သိန်း ရပေမယ့် အမှန်တကယ်ပိုင်ဆိုင်ငွေက - ၂သိန်း ၈သောင်း ပါ။
အဲဒီ ပိုင်ဆိုင်ငွေ ၂သိန်း ၈သောင်းကို
ကျွန်မတို့ လိုအပ်တဲ့/လိုချင်တဲ့ အသုံးအဆောင်တွေ ၀ယ်လိုကြတယ်။ သုံးလေးလလောက်စုပြီး ဆိုင်ကယ်တစ်စီးဝယ်လိုက်မယ်ဆိုရင် ဆိုင်ကယ်တစ်စီး ပိုင်လာတာပေါ့။
ဒါမှမဟုတ် စားဖို့သောက်ဖို့ နေဖို့ဝတ်ဖို့ ပိုဝယ်နိုင်၊သုံးနိုင်တာပေါ့။
.
ချမ်းသာချင်တယ်ဆိုရင်
ကိုယ့်အသားတင်ပိုင်ဆိုင်ငွေကို ငွေပြန်မထွက်နိုင်တဲ့ Liability တွေမှာ
သုံးပစ်လို့ မရပါဘူး။
ဒါဆို ..
တစ်လ၀င်ငွေ (၂သိန်း၈သောင်း)နဲ့
ဘယ်လို ချမ်းသာအောင် လုပ်ကြမလဲ။
.
အရင်ဆုံး ..
အသုံးစရိတ်ကို သေချာစီစစ်ပြီး လျော့လို့ရတာ အတတ်နိုင်ဆုံးလျော့ချကြည့်ပါ။ စီစစ်ပြီး လျော့ရသလောက် အသုံးစရိတ် ၂သောင်း သက်သာသွားတယ် ဆိုပါစို့။
ဒါဆို -- ထွက်ငွေ (၂)သိန်း - တစ်ကယ်ပိုင်ဆိုင်ငွေ (၃)သိန်း ရှိလာမယ်။ အဲဒီ တစ်ကယ်ပိုင်ဆိုင်တဲ့ငွေကို ငွေပြန်ထွက်မလာနိုင်တဲ့ (Liability)တွေ မ၀ယ်ပဲ ငွေပြန်ဝင်လာမယ့်ပိုင်ဆိုင်မှု(Asset)တွေ ၀ယ်ရမယ်။
လစဉ်ပိုင်ဆိုင်ငွေ (၃) သိန်းကို ၅ လ စုထားမယ်ဆိုရင် ..
(၁၅) သိန်း ရှိလာမယ်။
အဲဒီ (၁၅) သိန်းကို ကိုယ်အလုပ်လုပ်နေတဲ့ အလုပ်မှာ ရှယ်ယာထည့်တာမျိုး ၊ ဒါမှမဟုတ် စိတ်ချရတဲ့သူကို ငွေတိုးပေးချေးတာမျိုး ...
ငွေပွားနိုင်မယ့်နေရာမှာ မြုပ်နှံရမယ်။
.
စုထားငွေ (၁၅)သိန်းကို ငွေတိုးပေးချေးမယ်ဆိုပါစို့။ (၆)ကျပ်တိုးရမယ်ဆိုရင် တစ်လအတိုးရငွေ (၉၀၀၀၀) ရှိမယ်။
ဒါဆို ကိုယ့်အသားတင်ဝင်ငွေ (၃)သိန်း အပြင်
နောက်ထပ်ဝင်ငွေ (၉၀၀၀၀) လစဉ်ထပ်ရလာမယ်။
အဲဒီ စုစုပေါင်းဝင်ငွေနှစ်ခု(၃၉၀၀၀၀)ကို စုထားတဲ့အခါ -
နောက် (၅) လကြာရင် (၁၉သိန်း ၅သောင်း) ရှိလာမယ်။
အဲဒီ (၁၉-သိန်း ၅-သောင်း)ကို တစ်ခါ (၆)ကျပ်တိုးနဲ့ ငွေတိုးထပ်ပေးမယ် ဆိုပါစို့။
ပထမငွေတိုးပေးထားငွေ (၁၅-သိန်း) နဲ့ နောက်ထပ်ပေးငွေ(၁၉-သိန်း ၅-သောင်း) - စုစုပေါင်း (၃၄-သိန်း ၅-သောင်း) ရှိလာမယ်။ အဲဒီ (၃၄-သိန်း ၅-သောင်း)အတွက် တစ်လအတိုးငွေ (၂၀၇၀၀၀) ရလာမယ်။ အဲဒီ (၂၀၇၀၀၀) ဟာ အလုပ်မလုပ်ပဲ ရငွေ Passive Income ပါ။
.
ဒါဆို ..
အလုပ်လုပ်လို့ အသားတင်ရငွေတစ်လ (၃)သိန်း အပြင် Passive Income ရငွေ (၂၀၇၀၀၀)ပေါင်းတဲ့အခါ ..
စုစုပေါင်း တစ်လ(၀င်ငွေ)ဟာ အသုံးစရိတ်နှုတ်ပြီး (၅၀၇၀၀၀) ပါ။
.
တစ်လအသားတင်ဝင်ငွေ (၃)သိန်းရှိသူဟာ (၁၀)လ အတွင်း ငွေပွားလိုက်တာ ပိုင်ဆိုင်ငွေ (၃၄-သိန်း ၅-သောင်း) နဲ့ တစ်လ၀င်ငွေ (၅၀၇၀၀၀) ရှိလာတယ်။
အဲဒီဝင်ငွေ (၅၀၇၀၀၀) ကို နောက်(၅)လစုရင် (၂၅-သိန်း ၃သောင်း ၅ထောင်) ရလာမယ်။
ဒါဆို (၁၅-လ) ကြာတဲ့အခါ ပိုင်ဆိုင်ငွေစုစုပေါင်း (၅၉-သိန်း ၈-သောင်း ၅-ထောင်) ရှိလာမှာ ဖြစ်တယ်။
.
ငွေတိုးချေးတယ်ဆိုတာ နမူနာ ပြောတာပါ။
ငွေတိုးချေးမှ/ရှယ်ယာဝင်မှ ရယ်လို့ သတ်မှတ်ချက်မရှိပါဘူး။ ကိုယ့်ဒေသ ကိုယ့်အရပ် ကိုယ့်ဝင်ငွေနဲ့ ကိုက်ညီပြီး ငွေစိတ်ချယုံကြည်ရတဲ့ တစ်ကယ်ပွားများနိုင်တဲ့ လုပ်ငန်းမျိုးမှာ ရွေးချယ်မြုပ်နှံရမှာပါ။
အဓိက-ကတော့ ငွေ ပွားများဖို့ပါပဲ။ ဘယ်နေရာမှာ မြုပ်နှံသည်ဖြစ်စေ ယုံကြည်ရပြီး ငွေများနိုင်သလောက်များအောင် ပွားများဖို့ပါပဲ။
.
ဒီလိုနည်းနဲ့ ငွေပွားလာပြီး ပိုင်ဆိုင်ငွေများလာတဲ့အခါ ..
မြေကွက် (သို့မဟုတ်) တိုက်ခန်း ... စတဲ့ ပိုင်ဆိုင်မှု(Asset)တွေ ပြောင်းလဲဝယ်ယူနိုင်ပါတယ်။
ဘယ်လုပ်ငန်း/ဘယ်နေရာမှာမြုပ်နှံတာဖြစ်ဖြစ်
အဓိက-ချင့်ချိန်ရမှာက
ရင်းနှီးငွေချင်းအတူတူ ...
မြေကွက်ဝယ်ရင် ပိုင်ဆိုင်မှု ပိုများလာနိုင်လား ၊ တိုက်ခန်းဝယ်ရင် ပိုများလာနိုင်မလား ၊ ကားဝယ်ထားရင် ပိုများလာနိုင်မလား ၊ မတ်ပဲ ၀ယ်လှောင်တာ ငွေပိုရနိုင်မလား ချင့်ချိန်ရမယ်။
.
မြေကွက်ဝယ်ရင် -
တန်ဘိုးတက်နိုင်ချေရှိတဲ့နေရာလား။ မြန်မြန်ပြန်ရောင်းထွက်နိုင်ချေရှိရဲ့လား။ မြေကွက်ကလစဉ်ဝင်ငွေ မရနိုင်တာ ... စတာတွေ တွက်ရမယ်။
တိုက်ခန်းဝယ်ရင် -
လစဉ်ဝင်ငွေရမယ်။ မြန်မြန်ပြန်ရောင်းထွက်ဖို့ သိပ်မသေချာဘူး။
မတ်ပဲ ၀ယ်လှောင်ရင် -
ငွေမြန်မြန် ပြန်ပေါ်မယ်။ မတ်ပဲဈေး ၊ ဒေါ်လာဈေးအတက်အကျ ၊ မတ်ပဲဈေးကွက် စတာတွေ နားလည်ရမယ်။
.
မြန်မာနိုင်ငံအနေနဲ့ တစ်ဦးချင်းဝင်ငွေ နည်းပါးမှု ၊ ကုန်ဈေးနှုန်းကြီးခြင်း ၊ အိမ်ခြံမြေထိန်းချုပ်မှုမရှိခြင်း ... စတာတွေကြောင့် လုပ်ကိုင်ရတာ အခက်အခဲတော့ ရှိပါတယ်။
ရေးရလွယ်သလောက် လုပ်ရမလွယ်ပါဘူး။ အဲဒါကိုတော့ ပါးနပ်တဲ့အသိဥာဏ် ၊ အတွေ့အကြုံနဲ့ပဲ ဖြေရှင်းရပါမယ်။
.
နောက်တစ်ခု စဉ်းစားရမှာက အကြွေးပါ။
ကြွေးငွေ ရှိတယ်ဆိုရင် အကြွေးရဲ့လစဉ်အတိုးကြောင့် တစ်လတစ်လထွက်ငွေ ပိုများနေမှာပါ။
အကြွေးမှာ ကောင်းတဲ့အကြွေးရှိတယ်၊ မကောင်းတဲ့အကြွေးရှိတယ်။ အကြွေးယူထားတဲ့ငွေကိုရင်းပြီး စီးပွားရှာလို့
ပြန်ရငွေက အတိုးငွေထက်ပိုတယ်ဆိုရင် အကြွေးကောင်းပါ။
ဒါတောင် လစဉ်အတိုးကြောင့် ထွက်ငွေပမာဏ များနေမှာပါ။
အကြွေးဆိုးကတော့ ကိုယ့်ဆီက တဖြေးဖြေးစုပ်ယူပြီး လုံးပါးပါးစေမယ့် ကပ်ပါးကောင် ပါပဲ။
.
"အလုပ်တစ်ခု လုပ်မယ်ဆိုရင် အဲဒီအလုပ်ကနေ ၀င်ငွေဘယ်လောက်ရမှာလဲ။ Asset အတွက် မြုပ်နှံဖို့ ဘယ်လောက်ရနိုင်မလဲ"
ဆိုတာ အဓိကထား ကြည့်ရမှာပါ။
အလုပ်ပင်ပင်ပန်းပန်းလုပ်ပြီး
ချွေချွေတာတာ နေရတာ ဘယ်အချိန်မှာ ပေါပေါများများသုံးနိုင်မလဲ လို့ ကျွန်မတို့ မျှော်လင့်ပါတယ်။
မျှော်လင့်တဲ့အချိန် ဘယ်ချိန်မှာရောက်လာမလဲဆိုတော့ -
ကျွန်မတို့ ထွက်ငွေထက် - (Passive Income)၀င်ငွေ ပိုများလာတဲ့အချိန်ပါပဲ။
ဥပမာ ။
ကလေးနှစ်ယောက်ရှိတဲ့ မိသားစုရဲ့ တစ်လထွက်ငွေဟာ (၈ သိန်းခွဲ) ဆိုပါစို့။
ပိုင်ဆိုင်ထားတဲ့(Assets)တွေကနေ တစ်လရငွေဟာ (၈ သိန်းခွဲ)ကျော်ပြီ ဆိုရင် အဲဒီမိသားစုအတွက် ငွေကြေးအခက်အခဲက လွတ်မြောက်တဲ့အချိန်ပါပဲ။
• ငှားထားတဲ့တိုက်ခန်းက တစ်လရငွေ (သုံးသိန်း)
• ငွေတိုးချေးထားတာက ရငွေ (၄သိန်း)
• အကျိုးတူရှယ်ယာရငွေ (၂သိန်း)
= စုစုပေါင်း Passive Income (၉ သိန်း)
ဒါဟာ ..
အဲဒီမိသားစုရဲ့ တစ်လထွက်ငွေ (၈သိန်းခွဲ) ထက်ကျော်ပြီး Passive Income ရလာချိန်ပါပဲ။
.
အဲဒီလို ထွက်ငွေကို ကာမိတဲ့ Passive Income ရလာပြီဆိုရင် - ငွေကြေးအခက်အခဲ လွတ်မြောက်ပြီး စတင်ချမ်းသာလာချိန်ပါပဲ။
အလုပ်မလုပ်ပဲရငွေ (passive income)ဟာ အလိုအလျောက် လစဉ်ဝင်နေပြီး အလုပ်လုပ်လို့ ရတဲ့ Active Income က အသားတင်ငွေ ဖြစ်လာမယ်။
ဒီလိုနဲ့ ထပ်မံ ပွားများရင်း ပွားများရင်း ချမ်းသာသထက် ချမ်းသာလာကြတာပါပဲ။
ဒါကြောင့် ..
မိတ်ဆွေတို့ ကျွန်မတို့ဟာ ငွေကြေးအခက်အခဲထဲမှာ ပိတ်လှောင်မခံရဖို့အတွက်
ထွက်ငွေကိုကာမိစေတဲ့ Passive Income ရှိရမယ်။ Passive Income ရဖို့အတွက် ပိုင်ဆိုင်မှု(Asset)တွေနဲ့ စတင်ရင်းနှီးရမယ်။
ဒါကြောင့် ..
အလုပ်လုပ်လို့ ပုံမှန်ရငွေ Active Income တစ်ခုတည်းနဲ့ မိတ်ဆွေတို့ ကျွန်မတို့ မချမ်းသာနိုင်ဘူး။
Passive Income ရှိမှသာ ချမ်းသာလာမှာပါ။ ချမ်းသာချင်တယ်ဆိုရင် Passive Income များများရဖို့ အဓိကထား အလုပ်လုပ်ရမယ်။ Passive Income ဟာ ငွေကြေးပညာ ရှိမှ ရနိုင်တယ်။
ဒါကြောင့် ကျွန်မတို့ ငွေကြေးပညာ သိထားသင့်တာပါ။
.........
ငွေကြေးပညာ ရဲ့ အနှစ်ချုပ်ကတော့ -
• ထွက်ငွေအတတ်နိုင်ဆုံးလျော့ချရမယ်။
• ၀င်ငွေများသထက်များအောင် လမ်းကြောင်းဖောက်ရမယ်။
• ၀င်ငွေထက် ထွက်ငွေ မပိုရဘူး။
• ကြွေးငွေကို သေချာ စီမံရမယ်။
• Liability နဲ့ Asset ကို ခွဲခြားသိရမယ်။
• Passive Income များသထက်များဖို့ Asset များများရှိရမယ်။
• ထွက်ငွေကာမိမယ့် Passive Income ရချိန်မှာ စတင်ချမ်းသာလာပါမယ်။
• ဒီဆောင်းပါးဟာ မိတ်ဆွေသူငယ်ချင်းတို့အတွက် နှစ်သစ်လက်ဆောင် ပါ။
• ချစ်မိတ်ဆွေ သူငယ်ချင်းများ 2018 ကစပြီး ကြီးပွားတိုးတက်ချမ်းသာပြီး ပျော်ရွှင်သာယာကြပါစေ။
CRD BY 
.
