Misan keng bakuran tamu manakit nakang masustansiyang pwede munang a ulam. Na enaka kailangan pang gumastos dakal. Kaya dapat mananam tamung gule na makasawup keng kabyayan tamu. Kalupa na ning Malunggay (Agud) keng kapampangan. Dakal ya bitaminang bibye keng katawan na ning tao.
Awus da keng kapampangan kareni AGUD. Inagtal kula reni ken mung bakuran mi. Asne kadakal a bunga, misan titinda kula keng harap bale nala kadakal deng sasali na siping bale uling mura nala masustansiya lapa.
Areni deng Agud na mebalat na, medyu masakit lang balatan maka pangasyas gamat uling malambat ing mamalat. Pero naman potang malutu nala asno naman king kanyaman. Makagana lang mangan at siguradu magbalik kang sanduk nasi.
Melutu na ing ulam ku, ginisang Agud, biluganan kung pritung bangus na sinime ku banta alang duwi. Kaibat dininan keng kamuti para medyu mayumu yumu ya ing sabo na. Nang kanyaman pangalutu siguradu dakal ku apangan.
