ဒီနေ့ မနက် အမေ့အတွက် Ensure Milk Powder သွားဝယ်တယ်
Stepn လမ်းလျှောက်ဂိမ်းလည်း ကစားချင်သဖြင့် ဆေးဆိုင်ကို လမ်းလျှောက်သွားပါတယ်
ဆေးဆိုင်က ဘတ်စ်ကား နှစ်မှတ်တိုင် အကွာအဝေးမှာ ရှိပါတယ်
ဘတ်စ်ကားမစီးဘဲ နှစ်မှတ်တိုင်ကို လမ်းလျှောက်သွားပါတယ်
ဆေးဆိုင်မှာ Ensure က မရှိပါဘူး ဆီးချိုသမားတွေ သောက်တဲ့ တံဆိပ်တွေပဲ ရှိတယ်
ဒါနဲ့ လမ်းလျှောက်ဂိမ်းကလည်း ဒီနေ့လျှောက်ရမယ့် ကိုတာ မကုန်သေးရာ အပြန်ကိုလည်း ဘာဆေးမှ မဝယ်ဘဲ လမ်းဘဲလျှောက်ပြန်လာတယ်
လမ်းထဲရောက်တော့မှ လမ်းထိပ်က City Mart က City Care ဆေးဆိုင်ဝင်ပြီး Ensure ရှိလား မေးကြည့်တယ်
City Care ဆေးဆိုင်မှာလည်း Ensure က မရှိပါဘူး အလားတူတွေတော့ ရှိတယ်ဆိုပြီး ဆေးဆိုင်ဝန်ထမ်းက လိုက်ပြပါတယ်
လူကြီးတွေသောက်တဲ့ Appeton Wellness 60+ ရယ် Prohance ဆိုတဲ့ တံဆိပ်ရယ်ပြပါတယ်
ဒါနဲ့ပဲ Prohance 200 g တစ်ထုပ် ဝယ်လာခဲ့ပါတယ်
အဲဒီတံဆိပ်ကို တစ်ခါမှတော့ အမေ့ကို မတိုက်ဖူးဘူး စမ်းတိုက်ကြည့်မလို့ပါ
ပုံကို အောက်မှာ ပြထားပါတယ်
အိန္ဒိယ နိုင်ငံထုတ်ပါ 28500 ကျပ် ပေးရပါတယ်
လမ်းလည်း နှစ်မှတ်တိုင်လောက် အသွားအပြန် လျှောက်လိုက်ရတော့ ဒီနေ့အဖို့ ကိုတာ အတော်ကုန်သွားတယ်
@phyowinkoko725 October 2025
ဖတ်ရှုတဲ့အတွက် ကျေးဇူးတင်ပါတယ်