အစားကောင်းစားရင် သူငယ်ချင်းကို သတိရတယ်လို့
ဆိုကြတော့ ကျွန်တော်လည်း ဒီနေ့ hive မှ သူငယ်ချင်းတွေကို
သတိတရ မျှဝေချင်တာလေး ရှိလာပြန်ရော
🍧ယခုနှစ်နွေရာသီက အပူလှိုင်းဖြတ်လိမ့်မယ်လို့
အားလုံး စိတ်ပူနေကြချိန်မှာ
ကျွန်တော်က အစားတစ်လိုင်းမို့
ဘာလေးစားရင် ကျန်းမာရေးလည်းညီ
အရသာလည်း ရှိမလဲ လိုက်ကြည့်တော့
ပင်ဖိန်း ကို သွားတွေ့တယ်
မူလ မြန်မာမုန့်ထဲကတော့ မဟုတ်ဘူး
တရုတ်ဖက်ကနေ အခု ခေတ်စားနေတာလေးပါ
ပင်ဖိန်းကို ဝဉကုန်ကြမ်းကနေ ထုတ်ထားတာ
🍧 သူက တိုဟူးနောင့် (တိုဟူးပျော့)လို့ ခေါ်ကြတဲ့
ပဲပိစပ်နဲ့ ထုတ်တဲ့ တရုတ်အစားအစာလိုပါပဲ
သူကလည်း ဝမ်းအေးစေပါတယ်
🍧 တချို့က ကျောက်ကျောနဲ့တူလို့
ကျောက်ကျောလို့ ထင်ကြပေမယ့်
ပင်ဖိန်း (ဝဉ)မှုန့်က
ပို နူးညံ့တယ်
🍧 လုပ်နည်းအမျိုးမျိုးရှိပေမယ့်
လုပ်ရတာ အရမ်းလွယ်လို့
social မှာ ခေတ်စားနေပါတယ်
🍧 တီဖြိုးကတော့
ပင်ဖိန်းမှုန့် 40gတစ်ထုပ်ကို
တချို့က ရေ 2500mlအထိ ထည့်ကြပေမယ့်
ပင်ဖိန်းအသားခပ်တင်းတင်းလေးကြိုက်လို့
ရေ 2000ml ပဲ ထည့်ပါတယ်
ရေနွေးပွက်ပွက်ဆူ 2000mlထဲ
ခပ်သွက်သွက်မွှေပြီး
၄နာရီ အအေးခံတယ်
🍧 စစချင်းဆို ရေအတိုင်း
ကြည်ကြည်လေးမို့
မှားသွန်ပစ်မှာဆိုတာမျိုး
မြန်ချင်တာမျိုးဆိုရင်တော့
ရေခဲသေတ္တာထဲ
ထည့်အအေးခံပါ
🍧 သစ်သီးအရသာတွေနဲ့ စားရတာထက်
တီဖြိုးကတော့ ကြံသကာရည်နဲ့စားရတာ
အကြိုက်ဆုံးပဲ
ကြံသကာ ကျိုပျင်းတဲ့ ဒီနေ့မှာကျ
တီဖြိုးက Cameral Sauceကို သုံးလိုက်တယ်
🍧 နို့ရည် ၅ခွက်စာကို အရင် စပ်တယ်
နို့ရည်မှာက
နို့ဆီ 100 ml
နို့စိမ်း 100ml / နို့မှုန့် 60 g
ရေနွေး 200 ml ကို အရင်ဖျော်ထားလိုက်ပါတယ်
🍧ပင်ဖိန်း တစ်ခွက်စာဆိုရင်
၁)ပင်ဖိန်းအေးပြီးသား 300g ခန့်
၂)ကြံသကာရည်/ Cameral Sauce 20ml
၃)နို့ရည် 60-80ml
၄)နှမ်းမဲ နှမ်းဖြူ အနည်းငယ်
၅)သီးစုံခြောက် အနည်းငယ်
၆)မြေပဲခြမ်း အနည်းငယ် ထည့်လေ့ရှိပါတယ်
မျက်စိပသာဒလည်းဖြစ်အောင်
ပိုစားကောင်းအောင်ဆိုရင်
ထန်းသီးဂျယ်လီ
ရောင်စုံ ဂျယ်လီ အနည်းငယ် ထည့်ပါတယ်ရှင့်
နွေပူပူမှာ ရင်လေးအေးသွားအောင်
လုပ်စားကြည့်ဖို့
ဝေမျှလိုက်ပါတယ်
စာဖတ်ပေးတဲ့ ချစ်မိတ်ဆွေအားလုံး
ကျန်းမာရွှင်လန်းပါစေရှင့်
ချစ်တဲ့ တီဖြိုး
၃/၄-၂၀၂၄
