ဒီနေ့ အနည်းငယ်တော့
ကျေနပ်မိသလိုပင်
ကိုဗစ်ကစသော ချစ်သူသက်တမ်းက
ခုဆို ၅နှစ်ပြည့်တော့မည်
လက်ထပ်မည်လုပ်လိုက်
ညှိနှိုင်းမရတာတွေနှင့်
အကြိမ်ကြိမ်ရွေ့နေသော
ဇာတ်မျောကြီး
တစ်ခါခါဆို
ရယ်သွမ်းရင်း
ကိုယ်တို့ဇာတ်က
ကုလားကားတွေထက်
အပိုင်းရှည်သည်ဟုပင်
ပြောမိ၏
အရမ်းရုပ်ရှင်ကားဆန်သည်
ဗမာကား ကိုရီးယားကား
အိုဗာတင်များသော
ဒရမ်မာ အသိုင်းဝိုင်းဟုဆိုရရင်လည်း
မိမိသာ မူပိုင်
အရိုင်းစိုင်းမကြီးနေရာက
ဘယ်တော့မှ မရွေ့ပင်
ဒီနေ့ကျ သူက
ခပ်သော့သော့ ပြောလာခဲ့၏
သူ့အပေါ် လေးစားမှုတစ်ခုနှင့်
တန်ဖိုးထားတတ်သော
ကျွန်တော့အနားတွင်
နေရခြင်းသည်
သူ့အတွက် အဓိပ္ပါယ်ရှိလှ၏ဟုဆို၏
ဤသို့ဖြင့်
မေတ္တာသာစစ်မည်ဆို
အတူ အိုဖော်အိုဖက်ဖြစ်ရပါစေဟုသာ
ဆန္ဒပြုရင်း
တီဖြိုး
9th Jan 2025