Published via Ecency

ဒီနေ့တော့ နေတွေသာရဲ့နော် မိတ်ဆွေတို့ရေ

ဒီမနက် အိပ်ယာနိုးတော့
ကျွန်တော့ ခန္ဓာကိုယ်က
လေးလံနေတယ်

လေးလံနေတာထက် တိတိကျကျဆို
မျက်နှာကြီး တစ်ခုလုံး ဖောယောင်နေတာပေါ့

ဒီပုံစံအတိုင်းဆို
မျက်စိရှေ့က ဖယ်ထုတ်ထားတဲ့ နှလုံးဆေးတွေ
ပြန်ရှာသောက်ရမှာ အတိအကျပါပဲ

မသောက်လို့မရဘူးလေ
ကျွန်တော် လုပ်ချင်တာတွေ
ရှိသေးတာကိုး

စာဖတ်သူ မိတ်ဆွေဘဝမှာကော
မထင်မှတ်ပဲ ရုတ်တရက်ကွယ်လွန်သွားတဲ့
မိတ်ဆွေ ရှိမှာပဲ

ကျွန်တော့ဘဝမှာလည်း ရှိပါတယ်
ထိုပုဂ္ဂိုလ်အမည်ကို
ဦးစိုင်းလို့ ကျွန်တော် မှည့်ပေးဖူးပါတယ်

ဖြူဖြူလုံးလုံးနဲ့ သဘောခပ်ကောင်းကောင်း
လူကြီးတစ်ဦးပါ
ဒီစာကို သူများ ပြန်ဖတ်မိရင်တော့
မဖြိုးသက် ခင်ဗျားတော့ ဖောက်ပြီလို့
ပြောမှာ အသေအချာပါပဲ

ဆယ်နှစ်ကျော် မိတ်ဆွေတွေမှာ
ထောပတ်သီးပေါ်ချိန်နှင့်
မက်မွန်သီး ပေါ်ချိန်ဆို
ရန်ကုန်ပို့ပေးရတတ်ပြီး

ဦးစိုင်း ခရီးပြန်ရောက်ချိန်ဆို
အိတ်ပိစိကွေးလေးတွေ ပို့ပေးတတ်ပါတယ်

မဖြိုးသက် ဘုရားမရှိခိုးလို့
ခင်ဗျားက သရဲအားကြီးခြောက်ခံနေရတာလို့
ဆူတတ်သလို

မေတ္တာသုတ်ရွတ်ပြီးလည်း
လုံးစုံများစွာ သတ္တဝါအစချီတဲ့
မေတ္တာပို့လေးရယ်နဲ့
အမျှဝေလေဗျာ ဆိုပြီး

လမ်းညွှန်ပြတတ်သလို
နားမလည်တဲ့ ဗုဒ္ဓဘာသာ ကိစ္စအချို့ကို
ဆွေးနွေးမေးမြန်းနိုင်တဲ့
ဓမ္မ မိတ်ဆွေဖြစ်သလို
ရယ်စရာနောက်စရာများ
အပြန်အလှန် စတတ်ကြတဲ့
မိတ်ဆွေများပေါ့

မိတ်ဆွေဆိုလို့ တစ်ရံတစ်ခါမှ
ဖုန်းဆက်တတ်ကြပေမယ့်
မမြင်ရင်လည်း မရှာတတ်ပါ

ကိုဗစ် ပထမလှိုင်း
ကိုဗစ် ဒုတိယလှိုင်းထိ

ကျွန်တော်တို့ ဖုန်းဆက်ပြီး
သာကြောင်း မာကြောင်း ပြောခဲ့ကြသေး၏

မှတ်မှတ်ရရ
မေလ ၂၀၂၁ထိပါပဲ

ထိုနေ့က ကိုဗစ်မဖြစ်အောင်
အသက်ရှူလေ့ကျင့်ခန်းလုပ်ဖို့
ဘုရား ပုံမှန်ရှိခိုးဖို့မှာတယ်

ဒါနဲ့ နောက်ပိုင်း အဆက်သွယ်တွေ
မရတော့ဘူး

ဇူလိုင်လ ၂၀၂၁လဆန်းလောက်ကစပြီး
ညစဉ် ပဌာန်းပူဇော်လို့ ပြီးတိုင်း
အမျှဝေတိုင်း

ကျွန်တော့ဦးခေါင်းကို
တစ်စုံတစ်ဦး လာလာကိုင်နေတာ
သတိထားမိခဲ့သော်လည်း
မည်သူမှန်း မသိချေ

အရင်ဆို oversea ထွက်တိုင်း
မိတ်ဆွေကြီးနဲ့ အဆက်သွယ် ပြတ်နေကြမို့
သူ၏ messagerတွင်သာ
စာချန်ခဲ့၏

တစ်လထက် တစ်လသာကြာလာ၏
ပို့သည့်စာကြောင်းရေသာ
များလာသော်လည်း
ပြန်စာ မရှိ

မဟုတ်ချေတော့

သူ့ရုံးမှ တစ်ဦးကို ပြန်ရှာမေးတော့
ထိုအစ်မကလည်း ရှိမှာပါ
မတွေ့တာကြာပြီ
Oversea မှာ ဖြစ်မည်တဲ့