As in ehn. My sister, this mata wei you table so ehn Swt my inner liver. But make I nor lie for you oh, the mata they use style they pain me. Based on say E Don happen to me when I they school. Na all those kind of pipo na one church wei dey my area dey call unfriendly friends
Make I give you the full gist. When I just get admission that year ehn. E get one fyn babe wei I meet. My sister, e babe Mk brain dye! Na so me I her just dey do am small small they go based on relationship mata. My sister, I nor know say my guy, my personal person they eye this my babe so oh. E go they tell me say the girl nor be better person and anytime he see this my girl so. E go they tell her say I get another babe for one corner. say I just they do like say I like her. Na so the babe Koloa come one day come tell me say Mk I nor dey call her line again, say she nor want again.
Sis. to say you see me that time ehn. You for sorry for me oh. Na so I beg tire she nor gree. Na that same my friend na cm they tell me say, Wen he dey advice me, I nor gree listen.
Na so, I cm lock up oh. After, like 2 months one of my other guy cm call me say he dey club and he dey see my ex with that my guy.
See ehn, I nor believe the mata, na so e tell me say, Mk I come club. Sis. I commot for huz arnd 12:15a.m go the club, only to go find that idoit wei I call my guy with my ex. Gosh! My head scatter. Na d guy wei call me cm they cool me. No be small tin oh. Sis. Ehn. As I dey put this story ehn, the tin cm b like say E want to they pain me.
Abeg, nor vex I nor want talk the mata again but na only Bros J. know how e go do am pass for me. Some friends are enemies. Unfriendly friends.
