Gecə.

Gecə mövzusu çox dərindi əslində. "Gecənin xeyrindən gündüzün şəri yaxşıdır"dan tutmuş, "gecə qara, cücə qara" ya qədər. Gecə guya vahimədir. Adətən, uşaqları gecənin qaranlığı ilə qorxudurlar. Gündüz vaxtı gəzib dolaşdığı yerləri gecə gəzə bilənlər əsl qəhrəmanlardır uşaq aləmində. Gecə rəsmləri çəkməyi sevirəm. Günəşin qürubu, ağacların əsrarəngiz kölgələri. Yadımdadı, əvvəllər gecə toyları olardı. Gedərdik. Bir dəfə kəndin yuxarı tərəfində bir gecə toyu vardı. Qonşu qızlarla gedirdik. Yol boyu su arxları keçirdi. Üstündən tullana - tullana getdik. Elə tullana- tullana da qayıtdıq. Bir iki gün sonra həmin yolla gedəndə yolda heç bir su arxının olmadığının şahidi oldum. Deməli, gecə vaxtı yol kənarındakı ağacların kölgəsi yola düşürmüş. Biz də onu su arxı hesab eləmişdik:)
Gecə aləmi bir başqadı. Bu şəkillərdəki kimi.