Floorema.

Qızım təkidlə " ana, gəl sənə instaqram hesabı açaq"- deyəndə etiraz edirdim. Sosial şəbəkələrdən fəal istifadə edirəm. Fikirlərimi, ovqatımı insanlarla paylaşmağı sevirəm. Doğrudu, bəzən yalnızlığın daha güvənli olduğu qənaətinə də gəlirəm. Az insan, çox hüzur devizi ilə yaşamaq. Amma bir ömür boyu yalnız yaşamaq kimi bir həyat tərzi mümkün deyil. Uzun sözün qısası, instaqram hesabı açdım. Qaldı ad məsələsi. Əslində öz adınla da hesabda ola bilirsən ki, əksəriyyət belə edir. Amma fərqliliyi sevirəm. Kiçik qızım biologiya oxuyurdu. Kitabı mənə verdi ki, onu sual-cavab edim. Floorema sözünə rast gəldim. Ağac gövdəsinin qatları belə adlanırmış. Beləcə , instaqram hesabımın adı yarandı. Floorema. Çox gözəl addı. Çoxları soruşur, nə deməkdi. Heç nə demək deyil, sadəcə flooremadı:)