ညက အမှတ်မထင် English Vinglish ရုပ်ရှင်ကားနဲ့ တိုက်တိုက်ဆိုင်ဆိုင် အစကသွားတိုးတယ်။ မင်းသမီး Sridevi ကို အဲဒီရုပ်ရှင်မှာ စပြီးတော့ ကြည့်ဖူးတာပါ။ ကြည့်ပြီးတော့လည်း သူ့သရုပ်ဆောင်မှုကို အရမ်း ကြိုက်ခဲ့ရပါတယ်။ ဒီဇာတ်ကားကို ခုဆိုရင် သုံးကြိမ်လောက်ရှိပါပြီ ပြန်ကြည့်ရတာ။ ဒါပေမဲ့ ခုတစ်ခေါက် ကြည့်ရတာကတော့ မင်းသမီး Sridevi အတွက် ဂုဏ်ပြုပြီး ကြည့်ရတာ။ ဘာကြောင့်လဲဆိုတော့ ဖေဖော်ဝါရီ ၂၄ ရက်နေ့ကပဲ အဲဒီ မင်းသမီး ကွယ်လွန်သွားခဲ့ကြောင်း သိရလို့ စိတ်မကောင်းစွာနဲ့ သူ့သရုပ်ဆောင်ချက် တွေကို ပြန်ပြီးတော့ ခံစားခဲ့ရပါတယ်။
English Vinglish ဇာတ်ကားထဲမှာ Sridevi က ဆာရှီးအဖြစ် သရုပ်ဆောင်တယ်။ အိန္ဒိယ မိသားစုတွေထဲက မိခင်တာဝန်ကျေချင်လွန်းတဲ့ ရိုးသားသော အိမ်ထောင်ရှင်မတစ်ယောက်အဖြစ် သရုပ်ဆောင်သွားတာ။ သူ့ယောက်ျား ဆာတစ်ရ်ှနဲ့ သမီးကြီး ဆာပနာတို့က အမေကို လုံးဝအထင်မကြီးကြဘူးလေ။ သူတို့အမေ၊ သူ့မိန်းမဖြစ်သူက အင်္ဂလိပ်စကားမတတ်လို့ လူတောထဲမတိုးနိုင်ဘူးဆိုပြီး အမေနဲ့ မိန်းမကို အထင်သေးခဲ့ကြတဲ့ သူတွေပေါ့။
နောက်ဆုံး ဆာရှီးတစ်ယောက် အမေရိကမှာရှိတဲ့ အစ်မဖြစ်သူရဲ့သမီး (တူမ) မင်္ဂလာဆောင်ကိုရောက်လာ တယ်။ အင်္ဂလိပ်လို မပြောတတ်လို့ တစ်လမ်းလုံးလည်း အထင်သေးခံရတဲ့အပြင်၊ ကော်ဖီဆိုင်ဝင်မှ အရှက် ကွဲရတဲ့အဖြစ်ကို ရောက်ရတယ်။
မခံချင်စိတ်က သူ့ကို အင်္ဂလိပ်စာ လေးပတ်သင်တန်း တက်ဖြစ်စေခဲ့တယ်။ ကြိုးစားအားထုတ်မှုနဲ့ အခြေခံရှိမှု ကြောင့် ပြောနိုင်ခဲ့တယ်။ သူပြောတဲ့စကားတစ်ခွန်း အရမ်းကြိုက်တယ်
“ငါ့မှာ အချစ် မလိုတော့ပါဘူး။ လေးစားမှုပဲလိုတယ်”
သူ့ကို ဘယ်သူကချစ်တာတွေ၊ မချစ်တာတွေ ဂရုမစိုက်ချင်ဘူး။ သူဟာ အမျိုးသမီးတစ်ယောက်အနေနဲ့ မုန့် လုပ်တတ်တယ်။ သူလုပ်တဲ့ ရိုးရာမုန့်အပေါ်မှာ သူ့ယောက်ျားကရော၊ သူ့ပတ်ဝန်းကျင်ကပါ အထင်ကြီး စေချင်တယ်။ ရိုးသားစွာ မုန့်လုပ်ပြီး ကြိုးစားတဲ့ သူ့စိတ်ဓာတ်ကို အသိအမှတ် ပြုစေချင်တယ်။ ဒါပေမဲ့ အိန္ဒိယမှာက မဟာဖိုဝါဒ လွှမ်းမိုးထားတာကြောင့် မိန်းမဆိုတာ လက်ထပ်ပြီးရင် ဘာမှ မဟုတ်တော့ဘူး။ မီးဖိုချောင်ဝင်၊ သားကျွေးမှု၊ ယောက်ျာကျွေးမှု လုပ်ပေး၊ အိမ်စေသာသာသဘောလောက်သာ အလေးထား ခံရ တာတွေကို သူတော်လှန်ပြတယ်။
အကြိုက်ဆုံးအခန်းကတော့ နောက်ဆုံး လက်ထပ်ပွဲမှာ သတို့သားနဲ့ သတို့သမီးကို ဆုံးမစကား အဒေါ် တစ်ယောက်အနေနဲ့ ထပြောပေးရမှာ။ အင်္ဂလိပ်စကားပြောတဲ့ဝန်းကျင်မှာ သူ့မိန်းမက သူ့ကို အရှက်ခွဲတော့မှာပဲ ထင်ပြီးတော့ ယောက်ျားဖြစ်သူက ပိတ်ပင်တယ်။ သမီးက စိတ်ပျက်တဲ့ မျက်နှာနဲ့ကြည့်တယ်။
ဆာရှီးတစ်ယောက် သူနားလည်သလိုလေးကို အင်္ဂလိပ်လို အကောင်းဆုံး ပြောပြသွားတယ်။ “မိသားစု” ဆိုတာ ဘာလဲ။ သူ့ရဲ့ ဒဿနက ရိုးရိုးလေးနဲ့ အရမ်းကောင်းနေတယ်။ အခက်အခဲကို ဝိုင်းပြီးတော့ ဖေးကူမနိုင်မှ၊ ပြောပြနိုင်မှ၊ နားထောင်တတ်မှ၊ ကူညီဖြေရှင်းပေးနိုင်မှ မိသားစုဆိုတာ သဘာဝကျမယ်ဆိုတာ သူကောင်း ကောင်း ပညာပေးသွားတယ်။
Sridevi သရုပ်ဆောင်တာ အရမ်းကောင်းတယ်။ အရိုးသားဆုံး အိမ်ထောင်ရှင်မတစ်ယောက်လို သရုပ်ဆောင်ပြ နိုင်တာကိုက ချစ်စရာကောင်းတယ်။
ခုတော့ သူကွယ်လွန်သွားပါပြီ။ သူ့သရုပ်ဆောင်စဉ် သူပြောပြခဲ့တဲ့ “မိသားစု” ဆိုတဲ့ စကားနဲ့ “Respect” ဆိုတဲ့ စကားလေးကတော့ နားထဲကမထွက်ဘူး။
ပြီးတော့ အနှိမ်ခံဘဝမှာ ဘယ်သူ့ကိုမှ အပြစ်မတင်ဘဲ သူဖြစ်ချင်တာကို သူရအောင်လုပ်နိုင်တဲ့ မိန်းမသား တစ်ဦးရဲ့ဘဝကို အကောင်းဆုံး ဖော်ကျူးပြနိုင်ခဲ့တာကြောင့် ခုထိလည်း မျက်စိထဲမှာ မြင်ယောင်နေမိတယ်။
(အိန္ဒိယမှာတော့ Sridevi ဆိုတာ နတ်သမီးလို့ပြောတာ။ လက်ရှမီးနတ်သမီးကို Sridevi လို့ခေါ်ကြောင်း အဘိဓာန်မှာတွေ့ရပါတယ်)
တင်ညွန့်
photo: facebook
