Sa kaniadto besh, dili na lang ta mo state ug tuig diri kay mabulilyaso unya, nga mas tiguwang pa tah hehehe. Sa unang panahon dili pa mahal ang palaliton ug ang plite ikabaklay pa or tag siyes pesos pa ug makapanakla paka kay naa pa kay sobra. Inig abot sa recess, aguy magdunganay pag dagan, magtinukmuray ug mag inilogay pa sa stick sa ****TEMPURA****.
Ang usa ka tempura = 3 pesos pa. Sa akong bawon nga 20 pesos dako na siya para sa akoa ato nga time. Kung mo ingon lang pod ko sa tindera, Nay, e.slice lng ko sa tempura, mas mo daghan pa kini siya. Labi na ang sauce, bombay, suka ug sili. Makatagak jud sa laway... Kinsa man diha ang dili maglaway?
Ang tempura jud akong ultimate favorite. Paresan lage dayon ug mango juice nga gisulod ug plastic sa icewater ug gibutangan ug straw.. Kanindot baya sa feeling inig higop sa bugnaw kaayong juice labi na ug init kaayo ang panahon. Kining juice baya makatagbaw jud sa karat sa tutunlan haha. Pwerte jud tagbawa kay karat man jud sa tutunlan kung madugay nimo ug inom. Pero lage maayo man siyang e.partner sa akong favorite nga ****Tempura****, ahw hala bahala ka tutunlana ka!
Karon, tag tulo biyente na. Mao lng japong lamia. Ang sauce nagka umento na pod kay pamutangan naman pod ug pipino (cucumber) para mas mo lami pa. Wala na say tinukmuray ug daganay karon panahona kay daghan naman sang mamaligyaay. Ug kung mangala lang pod ka ug gusto pod whole family ang makakaon, naa man say frozen food sa duol namaligya kilid karsada ikaw na lang say moluto. Convenient na jud tanan para sa atong kinabuhi ron. Maka appreciate na tah sa pamaliton kay mahal man dili na ang kalami or ang kalig.on..
Ikaw gabasa unsa may imong snack sa nagschool ka pa?
