Saleum ke rakan
Saleum ke syedara
Kiban haba di sinan?
Peu urunyoe na neu puasa?
Akai bak ule
Ruh lam badan gata
Miseu kali nyoe na wate
Loen neuk peutroh meubacut syarat puasa
Lam saboh peunetoh syarat puasa na padum macam
Mulai dari yang ubeut sampe yang rayeuk
Phon phon geu surah yakni beu islam
Yang kedua ge petroeh beu na akai
Tajak keumawe ta drop eungkot sembilang
Tajak meupanton ke mangat pikiran
Bek si goe goe neu peutinggai sembahyang
Hana mease puasa gata hai rakan
Nyoe donya hana trep le
Matauroe sep suum ateuh ule
Kajeut ta peubut amai be le
Mangat udep tanyoe nyoe meuase
Nyan keuh rakan peuneutoh loen tuan
Loen meureuno peugot saboh kiasan
Manteung le that salah bak penulisan
Meuah loen lake bak tuan tuan
Saleum 