Yerin, daxilində gedən tektonik proseslərin təsiri ilə ani vaxt ərzində tərpənməsinə zəlzələ deyilir. Zəlzələlərin gücü 12 ballıq "Rixter" şkalası ilə ölçülür. Ölçən cihaz "seysmoqraf" adlanır. Zəlzələləri öyrənən elm sahəsi Seysmologiya adlanır. Baş verən dağıntıların miqdarı isə "Merkalli" şkalasına əsasən təyin edilir. Yer daxilində onun baş verdiyi mərkəzə zəlzələ ocağı və ya hiposentr, onun yer səthində proyeksiyası episentr adlanır. Yeraltı dalğalar ən qısa məsafə qət etdiyi üçün ən çox dağıntı episentrdə olur. Zəlzələnin qiyməti episentrdə maksimum olur. Zəlzələ ocağı 0-60 km, hətta bəzən 1000 km dərinlikdə də ola bilir. Zəlzələ ocağı daha dərində yerləşən zəlzələlərin təsir dairəsi geniş olsa da, dağıdıcı gücü zəif olur. Seysmik proseslər bərk süxurlarda daha sürətlə yayılırlar. Tavaların təmas zolağında tez-tez baş verir. İl ərzində ən çox zəlzələlər Yaponiya və İndoneziyada müşahidə olunur. Seysmik qurşaqda yerləşən respublikamız da tez-tez baş verdiyi ölkələrdən hesab edilir.
Oxuduğunuz üçün təşəkkürlər.
