Məşhur ispan yazıçısı Migel de Servantes həkim ailəsində doğulmuş, uzun illər kral ordusunun əsgəri kimi fəaliyyət göstərmiş, 38 yaşında ədəbiyyata gəlmişdir.
"Don Kixot" yazıçının ən məşhur əsəridir. Bu əsər nəşr olunduqdan sonra tez bir zamanda böyük şöhrət qazanmış və dünyanın bir çox dillərinə tərcümə olunmuşdur.
"Don Kixot" romanı Servantesin dövründə çox geniş yayılmış cəngavər romanlarına qarşı bir etiraz, ironik münasibət sərgiləyir. Don Kixot surəti isə artıq bütün dünyada ümumiləşdirici obraza çevrilmiş və daim xəyali ideallar uğrunda mübarizə aparan qəhraman obrazı kimi yaddaşlarda qalmışdır.
