ဒီတစ်သက် ဘယ်တော့မှ တရားဝင် ပြန်ဝတ်ခွင့်မရတော့တဲ့ အဖြူ နဲ့ အစိမ်း ဝတ်စုံလေးကို လွမ်းတယ်....
သူ့အသံကြားတာနဲ့ အားလုံး အပြေးအလွှားဖြစ်ခဲ့ရတဲ့ 🔔🔔ကျောင်းတက်ခေါင်းလောင်းသံလေးကို လွမ်းတယ်...
🎶"ကမ္ဘာမကြေ"🎶ကို အားရပါးရ သံပြိုင် တူတူဆိုခဲ့ကြတဲ့ အခိုက်အတန့်လေးတွေကို လွမ်းတယ်....
စာသား အမှန်မဆိုတာ ပိုများတဲ့ "မြန်မာ့ကျောင်းသား" နဲ့
"ဇာတိမာန်" သီချင်းလေးတွေကိုလည်း လွမ်းတယ်...😁😂
သူငယ်ချင်းတွေကြားထဲ မျက်နှာမငယ်ရအောင် ဖွယ်ဖွယ်ရာရာ
အမေ ပြင်ဆင်ပေးလိုက်တဲ့ 🍜ထမင်းဘူး လေးကိုလွမ်းတယ်...
ကျန်းမာရေး နဲ့ ညီညီ မညီညီ အလုအယက် တိုးဝှေ့ပြီးတော့
ဝယ်စားခဲ့တဲ့ မုန့်စျေးတန်းလေးကို လွမ်းတယ်...🍮🍝🍟
ရတဲ့အချိန် ရသလို ပေတူး ညစ်ပစ်သွားအောင် ကစားခဲ့ကြတဲ့ အခိုက်အတန့်လေးတွေကိုလည်း လွမ်းတယ်....⚽🎾🏀
🕒နာရီ တစ်ကြည့်ကြည့်နဲ့ ဘယ်အချိန်များ တီးမလဲ တီးမလဲ ဆိုတာမျှော်ခဲ့တဲ့ 🔔ကျောင်းဆင်းခေါင်းလောင်းသံလေးလည်း လွမ်းတယ်..
ကလေးဘဝရဲ့ ဒုတိယအိမ်ဖြစ်ခဲ့တဲ့ ကျောင်းကြီးကိုလွမ်းတယ်...
အဲ့ဒီ ဒုတိယအိမ်ရဲ့ မိဘတွေဖြစ်တဲ့ 👨ဆရာနဲ့ ဆရာမ👩 တို့ကိုလည်း လွမ်းတယ်...
အဖြူ စင်ဆုံးစိတ်လေးတွေနဲ့ အရိုးသားဆုံးပေါင်းခဲ့ကြတဲ့ သူငယ်ချင်းတွေကိုလည်း လွမ်းတယ်....👬
လွမ်းတယ်....လွမ်းတယ်....လွမ်းတယ်.....
ဘယ်တုန်းကမှ သေချာ တန်ဖိုး မထားမိခဲ့တဲ့....
အတိတ် ခပ်လှမ်းလှမ်းမှာ ကျန်နေရစ်ခဲ့တဲ့....
ကျောင်းတက်ကတဲ့အချိန်တွေကို သတိရတယ်.....
