党和港媒則大唱MSCI指數會調整一事，因MSCI加入中型A股，由5%增至20%，4倍之多。所以市場一遍大好之勢頭下，指數開市亦踩油上，高位見29,285 FHSI (Apr)，但隨即掉頭下滑，暫在29,000徘徊。第一日啫，慢慢來的，有排舞！政治市嘛，先等多一兩日便會有眉目，不用急！
族長提一提，好消息一浪接一浪，何解不是暴力式的爆升500~800或1,000點的上呢?!現貨升200點啫，咁忍得手？可能真正調整要在11月至2020年5月前呱，有排拉！要再吹大D至work?!總之，一句趁勢／借消息短炒是市場的主旋律，大家落唔落叠，則自行判斷。族長不阻人家發達！相反，早一陣子，〈高台插水〉一文已清楚道出大鱷之心意，托高D先夠飽嘛！
圖表分析，指數確實作勢衝30,000點，真與假不是重點，超大成交望見都有點寒，咪話撲入去，唔賭不會出事喎！靠邊站安全D。邊有咁大隻蛤乸隨街跳囉，唱通街，即是準備接火棒；而且業績期，門面功夫做到足，迎接大吉大利的第一季，全球最旺的支企A股，誰與爭風，威水喎！Fund佬話平喎，撲入去吧，請下注，唔買都睇吓！
噏2隻咁多，(1)（2318）股價有反彈及再逼近$90蚊，可惜成交反而萎縮；（3968）亦與2318一樣；再瞄不同行業類別都差不多，連安碩A50都是乾升個隻，似個氹多D喎！
前文〈「搵真銀」〉已通水大家望實亞太區貨幣的變動，當然USD / JPY較神經質；加埋白粉報亦有報導，經濟學家Yoshiki Shinke話日本經濟差，USD / JPY會見60水平，即係日元兌每百港元升至13蚊。或者另一篇文談日本和日元，族長個人直覺日本經濟有警號不是今時今日的事，至於日圓升或跌，是配合國際政局的操作，從來未變過。今期更添加了2020東京的主題在內，料19年至明年之間，日圓難免有大波動，但仍然是預期中的，短暫跟從正常3月後，日圓例弱的慣常，沒有異樣。
轉睇亞太區貨幣，今早族長做了功課，有12幅，大家自己睇啦！揀幾隻講，越南、蒙古圖格里克、廬比、緬甸、印尼盾及CNY（人弊），美元兌各貨幣都是有秩序的跌下，重點是交投明顯大，似有不尋常的變異。當中越南盾再向下跌的機會不高，反之或會出現閃崩，而HKD亦會有突然轉強，在股市大成交下，短綫／游資一旦撤離，一鋪就襟走……〈待續〉
