ဆီးအိမ် ပေါက်ကွဲထွက်မတတ် တင်းလာတဲ့အခါမှာ အိမ်သာကို အမြန်ပြေးရတာ သဘာဝပါပဲ။ ဒါပေမဲ့ တစ်နေ့ကို အကြိမ်ကြိမ် ပြေးနေရမယ် ဆိုရင်တော့ ဒါက ပိုပြီးဆိုးရွားတဲ့ ကျန်းမာရေးပြဿနာ တစ်ခုခုကြောင့် ဖြစ်နိုင်ပါတယ်။
ဆီးတစ်နေ့ကို ဘယ်နှကြိမ်သွားရင် များတယ်လို့ ပြောနိုင်သလဲ? ဆီးတစ်နေ့ကို (7) ကြိမ်အထက်သွားရင် ပုံမှန်မဟုတ်ပါဘူး။ ဒီလောက် မဟုတ်ရင်တောင် ပုံမှန်သွားနေကျထက် ပိုသွားရရင် ပြဿနာတစ်ခုခု ရှိနေနိုင်ပါတယ်။ လူအများစုက ညဘက်အိပ်တဲ့အခါမှာ ထပြီး ဆီးသွားစရာမလိုဘဲ တစ်ညလုံး နေနိုင်တာ များတဲ့အတွက် တစ်ညကို 2 - 3 ကြိမ်လောက် ဆီးထသွားနေရတာကလည်း သတိထားရမယ့်လက္ခဏာ ဖြစ်ပါတယ်။ ဆီးအိမ်ထဲမှာ ဆီးတွေ ပြည့်နေသောအခါ အာရုံကြောက ဦးနှောက်ကို ဆီးသွားဖို့ အချက်ပေးပါတယ်။ ဒါပေမဲ့ ဆီးအိမ် တက်ကြွလွန်းသူတွေမှာ ဆီးနည်းနည်းလေးရှိရုံနဲ့ ဆီးသွားချင်စိတ် ဖြစ်စေပါတယ်။ ဒါက ကျန်းမာရေးအနေနဲ့ အဆိုးကြီး မရှိပေမယ့် အိပ်စက်ခြင်းကို အနှောင့်အယှက်ဖြစ်စေခြင်း (သို့) စိတ်ကျခြင်းကို ဖြစ်စေခြင်းအားဖြင့် ဘ၀အရည်အသွေးတွေအပေါ် အကျိုးသက်ရောက်မှု ဖြစ်စေပါတယ်။ ဆီးအိမ် တက်ကြွလွန်းတဲ့ အကြောင်းအရင်း တိတိကျကျ မရှိပေမယ့် အသက်ကြီးလာလေ ဖြစ်နိုင်ခြေ ပိုများလာနိုင်ပါတယ်။ ဆီး မကြာခဏ သွားစေနိုင်တဲ့ အခြားအကြောင်းအရင်းများမှာ ဆီးချိုရောဂါ၊ ဆီးလမ်းကြောင်း ပိုးဝင်ခြင်းနှင့် ဆီးကျိတ်ကြီးခြင်းတို့ ဖြစ်ကြပါတယ်။ အရင်းက ဆီးပြွန်ကို တွန်းပြီး ညှစ်စေတဲ့အခါမှာ ဆီးအိမ်ကလည်း ဆီးတွေ အပြင်ရောက်အောင် တွန်းနိုင်ဖို့ အလုပ် ပိုလုပ်ရပါတယ်။ ဒီလို အပိုလှုပ်ရှားမှုတွေကြောင့် အာရုံကြောရောင်ပြီး ဆီး မကြာခဏ သွားစေနိုင်ပါတယ်။ နောက်တစ်ချက်ကတော့ ဆီးပြွန်ကို ဖိညှစ်ခြင်းက ဆီးထွက်အား နည်းစေပြီးတော့ ဆီးအိမ်ထဲမှာ ဆီးတွေ ကျန်နေစေကာ ဆီး မကြာခဏ သွားစေပါတယ်။ ဆီး မကြာခဏ သွားစေပေမယ့် ဖြည်းဖြည်းလေးပဲ သွားတယ်ဆိုရင် ဆီးကျိတ်ကြီးတာ ဖြစ်စေနိုင်သလို ဆီးပြွန်ကျဉ်းခြင်းကြောင့်လည်း ဖြစ်စေနိုင်ပါတယ်။ အရင်က ခွဲစိတ်မှု လုပ်ဖူးခြင်း၊ မတော်တဆ တစ်ခုခုကြောင့် (သို့) အရင်က လိင်မှတစ်ဆင့် ကူးစက်တတ်သောရောဂါ ရှိဖူးရင် ဆီးပြွန်မှာ အမာရွတ်ကျန်ခဲ့ပြီး ကျဉ်းစေနိုင်ပါတယ်။ ဒီအခြေအနေမှာဆိုရင် ဆီးသွားရင် နာခြင်း၊ ဆီးကျန်ခြင်းတွေ ဖြစ်စေနိုင်ပြီး ကုသမှုမခံယူရင် ကျောက်ကပ် ထိခိုက်နိုင်ပါတယ်။
