စာဖတ်အားနည်းတဲ့သူတွေ စာကိုဘယ်လိုဖတ်မလဲ

စာဖတ်ခြင်းက လူတွေကို အကျိုးကျေးဇူးများစွာဖြစ်စေတယ်၊ ဗဟုသုတတွေ တိုးစေတယ်ဆိုပေမယ့် အများစုသော လူငယ်တွေက
စာဖတ်အား နည်းတတ်ကြပါတယ်။

(၁) ရွေးချယ်ခြင်း။
စာအုပ်တစ်အုပ်ကို မဖတ်ခင်မှာတင် ဘယ်လိုစာအုပ်ကိုဖတ်မလဲဆိုတာ ရွေးချယ်တတ်ဖို့လိုပါတယ်။ ကိုယ်စဖတ်တဲ့စာအုပ်က
ကိုယ်ဖတ်နိုင်တဲ့အနေအထားထက် မြင့်နေတာမျိုးတွေ၊ ပညာရပ်ဆိုင်ရာဆန်တဲ့ စာပေမျိုးတွေဆိုရင်တော့ စာဖတ်စမှာ
မကိုင်သင့်ပါဘူး။ ဒါမျိုးတွေက ကိုယ့်ကိုစာဖတ်ရတာ ပျင်းသွားစေပြီး စာဖတ်ရကြောက်သွားစေပါတယ်။ ဒီတော့ အရင်ဆုံး
စာစဖတ်တော့မယ်ဆိုရင် ကိုယ်နှစ်သက်မယ့် အမျိုးအစားမျိုးတွေကို အရင်ဆုံးဖတ်သင့်ပါတယ်။

(၂) စနည်းနာမယ်။
ဘယ်လိုစာအုပ်မျိုးတွေက လူကြိုက်များသလဲဆိုတာ အရင်ဆုံးသိအောင် လုပ်ထားတာ ကောင်းပါတယ်။ ပြီးရင် ကိုယ်ဖတ်မယ့်
စာအုပ်ကနေ ဘယ်လိုမျိုးအကျိုးကျေးဇူးဖြစ်နိုင်သလဲဆိုတာ သိရပါမယ်။ အချိန်ကုန်ပြီး အကျိုးမရှိတဲ့စာမျိုးတွေကတော့
အပျော်ဖတ်စာပေအနေနဲ့သာ ဖတ်ရှုသင့်ပါတယ်။ ဒါပေမယ့် တန်ဖိုးရှိတဲ့ရသစာပေမျိုးဆိုရင်တော့ ကိုယ့်စိတ်နှလုံးအတွက်
ဖတ်သင့်ပါတယ်။

(၃) မှတ်စုထုတ်မယ်။
ကိုယ်ဖတ်လိုက်တဲ့စာက စာအုပ်လည်းဖတ်ပြီးလို့ ပိတ်လိုက်ရော၊ ခေါင်းထဲမှာလည်း ဘာမှမကျန်ခဲ့ဘူးဆိုရင်တော့ အဆင်မပြေပါဘူး။
စာဖတ်တဲ့အခါ မှတ်သားပြီးဖတ်တာမျိုးတွေ၊ မှတ်စုထုတ်တာမျိုးတွေက ကိုယ့်အတွက် တစ်စုံတစ်ရာအကျိုးကျေးဇူး ဖြစ်ထွန်းစေနိုင်ပါတယ်။
အားလုံးအတိအကျမှတ်ထားဖို့ မလိုပေမယ့် စာအုပ်ထဲက ဆိုလိုရင်းတွေနဲ့ ကိုယ့်အသိအလိမ္မာတိုးတက်ရာ တိုးတက်ကြောင်းတွေကိုတော့
သိထားရပါမယ်။

(၄) အရှုံးမပေးပါနဲ့။
စာအရမ်းကြိုက်တဲ့ စာသမားတွေကလွဲရင် တော်ရုံတန်ရုံစာဖတ်တဲ့သူတွေမှာ စာဖတ်ရင်း ငြီးငွေ့လာတာမျိုးတွေ ဖြစ်တတ်ပါတယ်။
ဒါက သင်တစ်ယောက်တည်း ဖြစ်တာမဟုတ်ပါဘူး။ ဒီတော့ ဖတ်ရင်းနဲ့ငြီးငွေ့လာတာနဲ့ ငါကတော့ စာဖတ်ရတာ အဆင်ပြေမှာ မဟုတ်ပါဘူးဆိုပြီး
လက်လျှော့ကာ စာဖတ်ရတာမကြိုက်တဲ့သူအဖြစ် မခံယူလိုက်ပါနဲ့။ ဖတ်ရင်းပျင်းလာရင် ခဏနားလိုက်ပါ။ ပြီးရင် ပြန်ဖတ်ပါ။ စာဖတ်တယ်ဆိုတာ
ငယ်ငယ်က စာကျက်သလို အတင်းအကြပ်ကျက်နေရတာမဟုတ်လို့ ပေါ့ပေါ့ပါးပါးလေးပဲ ဖတ်ရင်း အကျိုးရှိအောင် လုပ်သင့်ပါတယ်။

(၅) အမျိုးအစားတွေ။
စာဖတ်တဲ့သူတစ်ယောက်အတွက်ကတော့ ကိုယ်စိတ်ပါဝင်စားတဲ့အကြောင်းအရာဟာ ကိုယ်အကြိုက်ဆုံးစာပေအမျိုးအစားပါပဲ။
ဒါပေမယ့် တစ်ခြားအမျိုးအစားတွေမှာလည်း မှတ်သားစရာတွေရှိတယ်ဆိုတာ သင်သိထားရပါမယ်။ ကိုယ်က စီးပွားရေးသမားမို့လို့
စီးပွားရေးနဲ့ဆိုင်တဲ့စာတွေပဲ ဖတ်မယ်လို့လည်း ကိုယ့်ကိုယ်ကို သတ်မှတ်ထားစရာမလိုပါဘူး။ စာပေတိုင်းမှာ သင့်အတွက် လေ့လာစရာ
အသိပညာတွေ ရှိပါတယ်။

(၆) ခြုံငုံပါ။
စာဖတ်အားနည်းတဲ့သူတစ်ယောက်အတွက် စာတစ်အုပ်ပြီးအောင်ဖတ်ဖို့ဆိုတာ ခဲယဉ်းတဲ့ကိစ္စပါ။ ဒါပေမယ့် တစ်အုပ်လုံးကုန်အောင် ဖတ်နိုင်ခဲ့ပြီ
ဆိုရင်တော့ သင်ဖတ်ခဲ့သမျှကို ပြန်ပြီး ခြုံငုံစဉ်းစားသင့်ပါတယ်။

(၇) ဘာအကျိုးထူးခဲ့သလဲ။
ဖတ်ခဲ့သမျှထဲမှာ မှတ်ထားခဲ့ရတဲ့အရာတွေက သင့်အတွက် ဘာအကျိုးထူးသလဲဆိုတာကို စာတစ်ခန်းဖြစ်ဖြစ်၊ စာတစ်အုပ်ဖြစ်ဖြစ်၊ ဖတ်ပြီးတိုင်း
မေးခွန်းထုတ်သင့်ပါတယ်။ ဒါမှလည်း သင်ဖတ်ခဲ့သမျှဟာ သင့်အတွက် ထိထိရောက်ရောက် အကျိုးဖြစ်မှာဖြစ်ပါတယ်။

(၈) အောင်မြင်မှုပါပဲ။
စာတစ်အုပ်ဖတ်လိုက်တာလည်း သင့်အတွက် အောင်မြင်မှုပဲဆိုတာ မမေ့ပါနဲ့။ ဒီတစ်အုပ်က ရလိုက်တဲ့ အသိပညာတွေကြောင့် သင်ဟာ
ဒီစာကိုမဖတ်ခင်က လူနဲ့မတူတော့ပါဘူး။ သင်ဟာ အနည်းငယ်တော့ ပြောင်းလဲလာပါပြီ။ ဒီတော့ ဒီ့ထက်ပိုပြီး အကျိုးရှိတဲ့စာတွေကိုဖတ်ရင်းနဲ့
သင်ဟာ ပိုပြီးတိုးတက်လာတဲ့ လူတစ်ယောက်အဖြစ် ပြောင်းလဲနိုင်အောင် ကြိုးစားသင့်ပါတယ်။

စာဖတ်အားနည်းတဲ့သူတွေ ပြောလေ့ရှိတဲ့စကာတစ်ခွန်းရှိပါတယ်။ တကယ့်အသိဥာဏ်နဲ့ အတွေ့အကြုံဆိုတာ စာထဲကမှ မဟုတ်ဘူး၊ ဘဝထဲကလည်း
ရနိုင်တယ်။ ဘဝထဲက အသိပညာတွေက ပိုပြီးအကျိုးရှိတယ်ဆိုပြီး။

ဟုတ်ပါတယ်။ ဘဝထဲမှာလည်း အသိပညာနဲ့ အတွေ့အကြုံတွေအများကြီး ရှိပါတယ်။ ဒါပေမယ့် ဒီလိုတန်ကြေးကြီးတဲ့ အသိပညာတွေတိုင်းကို
အိမ်မှာ အချိန်အနည်းငယ်ပေးပြီး စာလေးဖတ်ရုံနဲ့ ရနိုင်မယ်ဆိုရင် သင်မဖတ်ချင်ဖူးလား?
ဘဝနဲ့ချီပြီးရမယ့် အသိတရားတွေတိုင်းကို အချိန်အနည်းငယ်ပေးပြီး ရယူနိုင်ဖို့ဆိုရင်တော့ စာပေတွေထဲမှာပဲ ရှိပါတယ်။