Zənnimcə gələn həftə çox güman ki maliyyə bazarında əsl çöküş başlaya bilər və bunun üçün bir çox səbəblər vardır:
Adətən S&P500 1 təqvim ili ərzində 20%-dəm çox dəyər itirirsə həmin ərəfədə əsl ayı sezonu başlayır və bazar sürətlə üzü aşağı gedir.
Bu il də eyni vəziyyətdir və baya S&P500 19%-ə qədər düşmüşdü, indi isə 18-19 arasında oynayır. Həftə sonu olduğunu (səhm bazarlarının bağlıdır) və inflyasiyanın durmadan artdığını nəzərə alanda gələn həftə bazarın yaxşı açılmayacağını ehtimal etmək elə də çətin deyil.. Belə olan halda da S&P500 20% düşüş səviyyəsinə çatmış olacaq..
Əvvəlki dövrlərlə müqayisədə 2022-dəki vəziyyət daha da bərbaddır. Həm inflyasiya, həm pandemiyanın aradan qalxmamış təsirləri, həm Rusiya-Ukrayna müharibəsi, ərzaq qıtlığı, 3-cü dünya müharibəsinin tam astanasında olmağımız və s.
Əgər Rus-Ukr müharibəsi yaxın 2-3 ay ərzində bitsə və dünya müharibəsi təhlükəsi olmasa, ən yaxşı halda bu ilin son 2 ayına qədər düşüşlər davam edə və bazar dibdəki yerini tapa bilər (dua edək ki belə olsun). Yox əgər müharibə bu ilin sonlarına qədər uzansa, amma digər ölkələrə keçməsə, onda 2023-ün sentyabr ayından tez bazarın özünə gəlməyi çətin məsələ olacaq (yay aylarında bazarın vəziyyətini də nəzərə alsaq). Əgər müharibə digər ölkələrə də sıçrasa - adam ardını belə düşünmək istəmir...
