Alhamdulillah pujo keu Tuhan
Yang peujeut insan langet ngoen doenya
Yang peujeut laoet deungoen daratan
Yang peujeut syetan aso nuraka
Seulaweut saleum keu Muhammadan
Panghulee alam seluruh doenya
Nabi yang akhe geubi le Tuhan
Wajeb hai insan tanyoe peucaya
Meu’ah lon lakee dilee bak rakan
Kadang lon tuan salah bak haba
Meuheut lon tuleh saboh piasan
Haba lam koran ban sigom doenya
Kadang bak tivi ta eu siaran
Jeut-jeut watee jan tayang berita
Nanggro Israel Yahudi syetan
Kirem angkatan u Palestina
Pesawat tempur moto rante bhan
Meusaho keunan pamer teunaga
Jak tik deungoem bom ateuh bangunan
Peulheuh serangan membabibuta
Rumoh dum hancoe keunoeng tembakan
Bandum bangunan hancoe meukeuba
Si kafe laknat tan perasaan
Yahudi syetan pikiran hana
Di Palestina hana balasan
Moto rante bhan hana sedia
Cuma ngoen batee balah lemparan
Panee sepadan ngoen merek AK
Kafe Yahudi canggih hana ban
Ngoen bom curahan dipoh manusia
Deungoen pesawat difho lam awan
Target sasaran ureung tan dosa
Inoeng ngoen agam sare jeut korban
Syahid bak Tuhan aso syuruga
Si Netanyahu yang bi suruhan
Yang mat pimpinan sigam durjana
Sayang that sayang wahe e rakan
Han sanggoep lawan di Palestina
Kadang geulakee bacut bantuan
Meu sidro kawan hana yang bela
Nanggro Islam bandum ka sawan
Han teujeut lawan Yahudi durja
Adak na Suriah Iraq ngoen Iran
Ban lhee awak nyan pih lam peukara
Nasib Palestina seudih hana ban
Yahudi kuran sabe tip masa
Tip uro sabe keunoeng tembakan
Syahid dum insan aso syuruga
Allahu Rabbi Allah Qadiran
Bak droneuh Tuhan kamoe meu doa
Neubi beu hancoe Yahudi syetan
Beu keunoeng sawan ubena tentra
