Sinaleung lakoe timoh meu banja
Di naleung sira disampeng rumoh
Buet watee uroe hek meulumpah na
Keudeh lam rimba naleung loen jak koh
Karap na sibeuleun lumo loen peulara
Ata bak saudara geupeumawah saboh
Oh ta eu eumpeun cukop le disuba
Dua boh umpang raya tapuwoe punoh
Han jan si uroe payah lom ta gisa
Naleung jak mita rata lampoh soh
Kuweut ka jaroe keubeh sang di pha
Raseuki Allah taala teutap loen satoh
Hana loen peu deuk umpeun ku sedia
Hana cit gasa lumo jak poh poh
Teutap uloen lhuek dum ho usaha
Naleung sabe na puwoe u rumoh
Pajan keuh seu'iet lumo loen peulara
Mangat lam blang raya taloe meu roh roh
Bek le lam gapiet lam weu saja saja
Tapuwoe oh jula mangat bek gadoh
Ta eu lumo gob galak bak mata
Naleung dijak mita hana payah jak koh
Tinggai dipeulob oh watee sinja
Ie dalam tima sagai dipusoh
Itek beulati musang yang suba
Nye itek angsa laju di choh choh
Beugot tapeduli binatang tapeulara
Sabe tajaga eumpeun tasatoh
