Samu't saring awang meron ang buhay,
higit pa ito sa makaliskis, mabuhangin,
mapurol, bitak, lamat, ang mga awang na ito
ay malaking puwang ng buhay,
malaking hidwa sa pagtakbo ng panahong
lagi nating dala-dala,
may kasiyahan din, hindi nga lang wagas,
hindi nga lang malaya, masarap dalhin,
kaaya-ayang pakiramdam, ngunit may
saya na rin, kahit pansamantala.
Ang awang ng buhay ay nariyan lamang,
maging sa mayaman at mahirap,
madalas alipin ang mahirap ng mayaman,
huwag ipagtanto pero iyon ang totoo,
sino ba ang may kakayahang manipulahin
ang bagay? Ang mayaman ba o mahirap?
Sino ba ang may kayang salamangkeruhin
ang batas? Ang mahirap ba? Kaya hindi
rin ako naniniwala sa taong may pinag-aralang
magiging matino siya, siya pa nga minsan
ang pasimunong i-siphoning ang kaban ng bayan,
kaya ang awang ng buhay ay nariyan lang,
mas nakalalamang ang laging mayroon sa buhay,
ito ang awang nilang ipinagkaiba sa mahirap,
ito rin ang awang na kailaman wala ng may
pagkakataong mailapat pa at maipantay
sa hanay ng mga may pinag-aralang sumisira ng bayan!
