Tunay na masaya kapag kasama sila
Kayo’y sandigan sa lahat ng sakuna
Hindi ako iniwan sa aking pag durusa
Kahit walang laman ang aking bulsa
Magkaiba man ang aming ama’t ina
Kami’y walang pag kakaiba
Laging nag tutulungan sa hirap at ginhawa
Kayo’y kapatid ko sa puso’t diwa.
Tunay kayong kaibigan laging maasahan
Kasa-kasama ko sa lahat ng puntahan
Kasamang ngumiti sa lahat ng tawanan
Pangako namin sa isat-isa walang iwanan.
Kahit hindi kadugo turing ko’y kapatid na
Salamat sa ating mga ala-ala
Di ko lilimutin hangang sa pag tanda
Salamat kaibigan palaging nandyan ka.
