Saan man sa lipunan hindi maiiwasan
May munting dalagitang ang tiyan ay bilugan
Kasama ang asawang binatilyo pa kung turingan
Nakakalungkot isipin ang tinahak nilang kapalaran.
Yosi doon at yosi dito, alak doon at alak dito
Kay papayat ng katawan at halatang mga bagito
Hindi ba nila naiisip ang dulot nitong epekto
Kanilang kalusugan para sa kanila ay laro.
Ako'y nakikiusap mga mahal kong kabataan
Huwag ninyong tahakin ang masamang larangan
Huwag nyo ng hintayin ang hagupit ng kabiguan
Sundan nyo ang liwanag, ang daan ng kabutihan.
