(Bagi yg membaca dilarang menangis)
Takoh bak beutong rancong keu suda
Takoh cabueng nga ngon rhom boh manggeh
Meunyoe yoh gassien ta eh lam tika
Meunyoe ka kaya kaso meulapeh
Wate yoh gasien jarueng so teuka
Wate ka kaya jame meubareh
Wate yoh gasien tan soe ngoe haba
Wate ka kaya nariet jipateh
Wate yoh gasien bak inong tuha
Wate ka kaya mita lom gadeh
Wate oh kana rumoh yg raya
Binteh meuria ka ta peu jayeh
Wate oh kana peurumoh muda
Bak ma yg tuha bek ta peuseudeh
Dile mulia asam capli jra
Pakon oh teuma tatem peu aleh
Inong yg keuphon tapugah sukla
Inong keudua tapugah puteh
Taba peu mu en pajoh pue suka
Ngon inong muda keuno ngon keudeh
Bak ma yg keuphon jareung ta teuka
Sbb ka banga ka meubee payeh
Hana mangatl le meunaguen cuda
Hana le hawa keu asam teupeh
Peukatuen urueng meumacam rupa
Wate ka kaya merubah gaseh
Wate yoh gasien dumkri ji mita
Pakon oh kana ka buet meulanggeh
Ta eu beurumbang si karang dua
Ta eu peudada ka duroh abeh
Meuna tapike guna yg kana
Saban seuruta gaseh geumaseh
Meunan sigutu syae poh cakra
Bek neu seurupa polem teumuleh
Sbb pih di qei meusaboh goh na
Ka keuh meumada peukaru mateh
Jampang oh jampang lupie oh jula
Kutarek ija ule ngon gateh
Jampang oh jampang kadang pih hawa
Lage biasa peukue lam binteh
Rawi lon canek bak nonton bola
Ka teupet mata laju kujak eh
Aleh soe meunang awak nyan dua
Blah kolombia lawan ngon inggreh
Maklum ji meu en karab jeum poh sa
Di lon syedara laloe ngon kuweh
Hana ku the the tungut lam tika
Bak pileh gamba download atra jeh
