Xiaomi ဟာ တစ်နေ့တုန်းက Budget ဖုန်းတွေဖြစ်တဲ့ Redmi 6 နဲ့ Redmi 6A ဖုန်းတွေကို မိတ်ဆက်ခဲ့တာပဲဖြစ်ပါတယ်။ အဲ့ဒီအတွက် Xiaomi ရဲ့ ယခုနှစ်အတွင်းမှာ ထုတ်ဖို့ စီစဉ်နေတဲ့ စမတ်ဖုန်းတွေအကုန်လုံးနီးပါး ကုန်သွားပြီလို့တောင်ပြောလို့ရပါတယ်။
ဒါပေမယ့် Xiaomi ပရိသတ်တွေ အလွန်အားပေးကြတဲ့ Mi Series စမတ်ဖုန်းတစ်ခု ထွက်လာဖို့ ကျန်နေပါသေးတယ်။ အဲ့ဒါကတော့ Xiaomi Mi Max Series ရဲ့ တတိယမြောက်စမတ်ဖုန်းတစ်ခုဖြစ်လာမယ့် Mi Max 3 ဖုန်းပဲဖြစ်ပါတယ်။
Xioami ရဲ့ CEO Lei Jun က Mi Max 3 စမတ်ဖုန်းဟာ လာမယ့် ဇူလိုင်လမှ ထွက်ရှိလာမယ်လို့ပြောကြားထားပြီးဖြစ်ပေမယ့် အခုအချိန်မှာတော့ Mi Max 3 ရဲ့ သတင်းတွေပေါက်ကြားလာခဲ့ပါပြီ။
အခုပေါက်ကြားလာတဲ့သတင်းတွေအရ Xiaomi Mi Max 3 စမတ်ဖုန်းဟာ 6.99″ အရွယ်အစားရှိတဲ့ Full HD+ Display ကို အသုံးပြုလာမယ့်အပြင် Qualcomm ရဲ့ Flagship ဖုန်းတစ်ခုနီးပါးစွမ်းဆောင်ရည်ရရှိစေမယ့် Snapdragon 710 Processor တွေကို အသုံးပြုလာမယ်လို့ သိရပါတယ်။
ဒါတင်မကသေးပဲ Xiaomi Mi Mx 3 ဖုန်းဟာ 20MP Sony IMX 363 Sensor ပါဝင်တဲ့ Dual Camera ကို ကျောဘက်မှာတပ်ဆင်လာမှာဖြစ်ပြီးတော့ အဲ့ဒါက Mi 8 နဲ့ Mi Mix 2S တို့ရဲ့ ကင်မရာနဲ့ သွားတူနေမှာဖြစ်ပါတယ်။
Mi Max ဖုန်းတွေက Battery ပိုင်းမှာ နာမည်ကြီးသလိုပဲ အခု Mi Max 3 စမတ်ဖုန်းမှာလည်း ကြီးမားတဲ့ 5500mAh Battery ကို 18W Quick Charge 3.0 စနစ်ပါ ထောက်ပံ့ပေးမှာဖြစ်တယ်လို့ သိရပါတယ်။ Wireless Charging လည်းပါဝင်ဦးမှာပါ။
Source