Xiaomi က Mi 5X စမတ်ဖုန်းနဲ့ တူညီပြီးတော့ MIUI မဟုတ်တဲ့ Pure Android နဲ့ ထုတ်လုပ်ခဲ့တဲ့ Mi A1 စမတ်ဖုန်းကို မှတ်မိကြဦးမှာပါ။ MIUI ကို မကြိုက်ပဲ ပေါ့ပါးပြီး System Update မြန်မြန်ရတဲ့ Pure Android ဖုန်းဖြစ်တဲ့အတွက် လူကြိုက်များခဲ့တယ်ဆိုလည်း မမှားပါဘူး။
အခုအချိန်မှာ Xiaomi ကနေ Mi 6X စမတ်ဖုန်းကို စတင်ရောင်းချနေပြီဖြစ်တဲ့အတွက် Pure Android နဲ့ Mi A2 စမတ်ဖုန်းကို ဘယ်တော့ရောင်းချမလဲဆိုတာကလည်း စိတ်ဝင်စားဖွယ်ဖြစ်နေပါတယ်။
အဲ့ဒီအတွက် အခုအချိန်မှာတော့ Swiss Website တစ်ခုကနေ Mi A2 စမတ်ဖုန်းကို Pre-order တင်လို့ရပြီဖြစ်ကြောင်း မှားယွင်းတင်ထားခဲ့ပြီး Mi A2 ကို စတင်ရောင်းချမယ့်အချိန်နဲ့ Specifications တွေကို သိရခဲ့ပါတယ်။
လက်ရှိသိရတဲ့သတင်းအရတော့ Mi A2 စမတ်ဖုန်းကို လာမယ့် သြဂုတ်လ ၈ ရက်နေ့မှာ စတင်ရောင်းချသွားမှာဖြစ်ပြီးတော့ 32GB ၊ 64GB နဲ့ 128GB Storage တွေပါဝင်မယ်လို့ သိရပါတယ်။
Specifications တွေအနေနဲ့ကတော့ Mi 6X နဲ့ တူတူပဲဖြစ်ပြီးတော့ 5.99″ Full HD+ Display ၊ Qualcomm Snapdragon 660 CPU ၊ 12+20MP Dual Camera နဲ့ 3010mAh Battery တွေပါဝင်လာမှာဖြစ်ပါတယ်။
ဈေးနှုန်းတွေအနေနဲ့ကတော့ ဒေါ်လာ ၂၉၀ ဝန်းကျင်ကနေ ဒေါ်လာ ၃၅၀ အတွင်းရှိမယ်လို့ သိရပါတယ်။
Source