Saleum Ta'dhem
Cot uroe timang suum that uroe
Didalam nanggroe ujeun pih hana
Padee dum matee rakyat dum rugoe
Blang teumpat meugoe meu ie pih hana
Na irigasi pintoe ie kadoe
Buet si kontrakto ji pajoh dana
Dak na ie ujeun jareung sigoe-goe
Hana meusapoe lagee ban pinta
Jiteuka reudok bak malam baroe
Karu lam nanggroe bungoeng jih kana
Ji timoh fitnah keu panyoet nanggroe
Kabeh ji publoe alem ulama
Bak adat dali sang hi ta eu nyum
Ka jeut ta reugum peudeng meu mata
Ka jeut ta asah keu neubah jameum
Yang ka ta tanom ka jeut ta buka
Regard 