ACEH MEUCEUHU

Jiteuka ujeun bak malam hameh
Ureung koh tameh lam uteun raya
Rindu hatee lon keu Nanggroe Aceh
Nanggroe yang leubeh ujong sumatera

Di ujong pusong ureung keumawe
Ureung koh padee dalam blang raya
Uroe jeh Aceh jithei le kaphe
Jinoe hana le ka cacat nama

Ji meukat adee Jalan Ulee Gle
Ngoen bingkang boh bie ka saban nama
Inoeng di Aceh malee hana lee
Jeut bineh pantee ijak meu doda

Uroe jeh jameun Aceh meuceuhu
Sabab lee teungku dengan ulama
Tetapi jinoe nanggroe ka maju
Aceh meuceuhu dengan narkoba

Pu lom lawetnyoe nanggroe moderen
Le yang meu angen agam ngoen dara
Jak publoe barang dagang bak online
Mita pasien peulagoet bada

Yang agam-agam peulikak molen
Meunyoe hana peng meu utang saja
Meunoe peukateun oeh akhe jameun
Lagee ka geukheun le ureung tuha

Oeh noe keuh dile pantoen lon tuleh
Daweut ka habeh keureutah hana
Meunyoe na salah peu meuah wareh
Haba lon peu ceh agam ngoen dara.

Wassalam