Sa pagmulat ng aking mata
Ako'y ginising ng ihip ng hangin
Ang sikat ng araw makulay
Sa tabing ilog parang may tumatawag
Ako'y lumapit sa puno'y may natatanaw
Dumilim ang araw
Bumigat bigla ang aking dibdib
Tibok ng puso'y bumilis
Ako'y hindi mapakali
Ako'y naduduwal
Sa pagtitig ng kanyang mata
Ako'y kanyang hinusgahan
Ligaya kong naramdaman
Binawi sa akin
At hindi ko maalala
Kung saan galing ito
Mga bahid ng dugo
Dumikit sa aking mga kuko
