Aldım bir dənə açdım min dənə. Hər fəsildə dadı ilə əvəzolunmaz meyvə nar. Kəndə getmişdim. Payızdan qalmış suyu çəkilmiş narlar arasından bir neçə nar tapdım.
Doğurdan da çox ləzzətli idi. Yeriniz məlum. Burda olsaydınız bu ləzzətin dadına sizdə baxardınız. Sonra bağı gəzdim yenicə açmış çiçəklərin ətri hər yanı bürümüşdü
İndi yazın sərin və yağışlı havası, gah soyuq gah da isti havası ilə gələn xəstəliklər, qrip uşaqlarda daha çox rastlaşır. Həyətdə yenicə baş qaldıran çiyələk torpaqlarında xırda hələ qızarmamış çiyələklər görünür.
Kənd həyatının səhərləri daha fərqli olur. Soyuq və təmiz səhər havası üzərinə örtdüyün yorğana daha da sarılmağını məcbur edir. Quşların səsi, toyuqların qaqqıltısı, xoruzun banlaması artıq dan yerinin ağarmasından, biraz keçəndən sonra günəşin şəfəqlərinin pəncərənin şüşələrinə düşməsi səhərin açılmasından xəbər verir. Biz şəhər yerində yaşadığımız üçün səhərlər isti vanna otağında əl üzümüzü, yuyub günümüzə başladığımız halda, kənddə soyuq səhər havasından üşüyə-üşüyə soyuq buz kimi su ilə yuyunuruq. Vay-vay neçə də soyuqdur. Qaçıb isti çay içirəm. Əllərimi isti çay fincanına sıxıb istinin həzzini alarkən, soyuq şəhər havasından dərin nəfəs alaraq bolluca oksigen qəbul edirəm. Danışmaqla bitməz kəndin gözəlliyi.
