မနေ့ မနက် ၆ နာရီခွဲမှာ ကစားသည့် Ecuador vs Curacao အသင်းတို့ ပွဲစဉ်က ဒုတိယပိုင်းမှာလည်း ပထမပိုင်းလိုပဲ ဂိုးသွင်းယူနိုင်ခြင်း မရှိဘဲ ဂိုးမရှိသရေဖြင့် ပွဲပြီးသွားခဲ့လေ၏။ Ivory Coast ကို နောက်တဆင့် တက်စေချင်လို့များ သရေ ကစားခဲ့ကြလေလား မသိပေ။ အဆိုပါ အုပ်စုမှာ Germany က ၂ ပွဲလုံး နိုင်ထားပြီး နောက်တဆင့် တက်ထားပြီ ဖြစ်၏။ Ivory Coast က အဖွင့်ပွဲနိုင်ပြီး ဒုတိယပွဲ Germany ကို ရှုံးထား၏။ နောက်ဆုံးပွဲက Curacao အသင်းနဲ့ ကစားရမှာဆိုတော့ Ivory Coast အတွက် အခြေအနေ ကောင်းနေခဲ့၏။
နာမည်ကြီး Netherlands ကို အဖွင့်ပွဲမှာ သရေ ကစားခဲ့သည့် Japan အသင်း အနေဖြင့် Tunisia ကို ၀-၄ ဖြင့် အနိုင်ရပြီး နောက်တဆင့် တက်လှမ်းခွင့်ကို ခြေတလှမ်း ယူထားနိုင်ခဲ့ပြီ ဖြစ်၏။ အဖွင့်ပွဲမှာ Tunisia ကို နိုင်ထားသည့် Sweden က ဒုတိယပွဲမှာ Netherlands ကို ရှုံးထားသည်မို့ အုပ်စု နောက်ဆုံးပွဲ ဖြစ်သည့် Japan နဲ့ပွဲက အတော်လေး ကြည့်ကောင်းမှာ အသေအချာပင်။
အဖွင့်ပွဲစဉ်မှာ Cape Verde ကို အံအားသင့်ဖွယ် သရေကျခဲ့သည့် Spain အနေဖြင့် မနေ့ည ၁၀ နာရီခွဲ Saudi Arabia အသင်းနဲ့ ပွဲမှာ Saudi Arabia ကို ၄-၀ ဖြင့် ဂိုးပြတ် အနိုင်ရသွားခဲ့လေ၏။ ပထမပွဲက အရှက်ကွဲ အပြောခံခဲ့ရမှုကို ဒုတိယပွဲစဉ်မှာ Spain တို့ ပေါက်ကွဲခဲ့ပြလေ၏။
ဒီနေ့ မနက် ၁ နာရီခွဲမှာတော့ Belgium vs Iran တို့ ယှဉ်ပြိုင် ကစားကြရာ ဂိုးမရှိ သရေရလဒ်သာ ထွက်ပေါ်ခဲ့၏။ အဖွင့်ပွဲစဉ်မှာ Egypt နဲ့ ၁-၁ သရေကျခဲ့သလို ဒုတိယပွဲစဉ်မှာလည်း အနိုင်ရရှိအောင် မစွမ်းဆောင်နိုင်ခဲ့ဘဲ သရေ ရလဒ်သာ ရယူနိုင်ခဲ့၏။ အုပ်စု နောက်ဆုံး ပွဲစဉ်က Belgium အတွက် စိန်ခေါ်မှုတွေ ပြည့်နှက် နေပေလိမ့်မည်။
မနက် ၄ နာရီခွဲမှာတော့ Uruguay vs Cape Verde အသင်းတို့ ယှဉ်ပြိုင်ကစားရာ ၂-၂ သရေကျသွားခဲ့၏။ အဖွင့်ပွဲစဉ်မှာ Spain ကို သရေခံ ကစားခဲ့သည့် Cape Verde အသင်း အနေဖြင့် ဒုတိယပွဲစဉ်မှာလည်း ရလဒ်ကောင်းရအောင် စွမ်းဆောင်နိုင်ခဲ့၏။ အဖွင့်ဂိုးကို Cape Verde က အရင် သွင်းယူခဲ့ပြီး Uruguay က ချေပဂိုးနှင့် ဦးဆောင်ဂိုးတွေ သွင်းယူခဲ့၏။ သို့ပေမဲ့ ဒုတိယပိုင်း ၆၁ မိနစ်မှာ Cape Verde တို့ ချေပဂိုး ပြန်လည်လို့ ရရှိသွားခဲ့လေတော့၏။ Uruguay ကို အခက်တွေ့အောင် Cape Verde အနေဖြင့် အကောင်းဆုံး ခုခံ ကစားပြသွားခဲ့လေ၏။
မနက် ၇ နာရီခွဲမှာတော့ New Zealand vs Egypt အသင်းတို့ ယှဉ်ပြိုင် ကစားသွားဖို့ ရှိနေ၏။
(photos from FIFA World Cup page)
