မနေ့ မနက် ၈ နာရီခွဲမှာ ကစားသည့် အိမ်ရှင် USA ပါဝင်နေသည့် Group D ပွဲစဉ်များမှာတော့ Paraguay vs Australia ပွဲစဉ်က ဂိုးမရှိ သရေ ကျသွားခဲ့ပြီး အိမ်ရှင် USA က Turkiye ကို ၃-၂ ဖြင့် ရှုံးနိမ့်သွားခဲ့လေ၏။ နောက်တဆင့်သို့ စောစီးစွာ တက်လှမ်းပြီး ဖြစ်သည့် USA အနေဖြင့် အုပ်စု နောက်ဆုံးပွဲကို အနိုင်မကစားနိုင်ခဲ့ပေ။
မနိုင်လည်း အုပ်စု ဗိုလ်ပဲဆိုတော့ သိပ်တော့ ကိစ္စ မရှိပေ။ ၄ မှတ်ခြင်း တူပေမဲ့ ဂိုးကွာခြားချက်အရ Australia က အုပ်စု ဒုတိယနှင့် Paraguay က တတိယ နေရမှာ ရပ်တည်နေ၏။ Paraguay အနေဖြင့် အကောင်းဆုံး တတိယဖြင့် နောက်တဆင့် တက်လှမ်း နိုင်မည် ဖြစ်၏။
ဒီနေ့ မနက် ၁ နာရီခွဲမှာ ကစားသည့် Group I ပွဲစဉ်များမှာတော့ အုပ်စု ပထမ လုသည့် Norway vs France ပွဲစဉ်မှာ France က ၁-၄ ဖြင့် အနိုင်ရသွားခဲ့၏။ Norway အနေဖြင့် အဓိက ကစားသမားများကို အနားပေးပြီး အရံ ကစားသမား အများစုကို အသုံးပြုသွားခဲ့၏။ France အသင်းကမူ အဓိက ကစားသမားများနှင့်သာ ပွဲထွက်ခဲ့၏။ France အသင်းအတွက် Dembele က Hat-trick သွင်းယူပေးခဲ့၏။
France က အုပ်စု ပထမ၊ Norway က အုပ်စု ဒုတိယဖြင့် နောက်တဆင့် တက်သွားခဲ့လေ၏။ Senegal က Iraq ကို ၅-၀ ဖြင့် အနိုင်ရခဲ့ပေမဲ့ အကောင်းဆုံး တတိယနေရာကို မျှော်မှန်းဖို့ရာ အခြား အသင်းများ၏ အုပ်စု နောက်ဆုံး ပွဲစဉ်များကို စောင့်ကြည့်ရပေလိမ့်ဦးမည် ဖြစ်၏။ ၁ ပွဲသာနိုင်ပြီး ၃ မှတ်ရထားသည်ကိုး။
မနက် ၆ နာရီခွဲမှာ ကစားသည့် Group H ပွဲစဉ်များမှာတော့ အံအားသင့်စရာတွေ လုပ်ပြထားသည့် Cape Verde က Saudi Arabia ကို သရေ ကစားပြီး ၃ ပွဲ ကစား ၃ ပွဲ သရေ ၃ မှတ်ဖြင့် နောက်တဆင့်သို့ တက်လှမ်းသွားခဲ့လေ၏။ Spain, Uruguay နှစ်သင်းလုံးကို သရေ ကစားပြထားနိုင်ခဲ့သည့် Cape Verde အသင်း အနေဖြင့် အုပ်စု နောက်ဆုံးပွဲမှာလည်း သေချာ အာရုံစိုက်ပြီး ကစားသွားခဲ့လေ၏။
Uruguay အနေဖြင့် Spain ကို ရှုံးနိမ့်သွားရသဖြင့် အကောင်းဆုံး တတိယနေရာဖြင့် နောက်တဆင့် သွားဖို့လည်း မဖြစ်နိုင်တော့ပေ။ ရမှတ် ၂ မှတ်သာ ရထားသည်ကိုး။ Saudi Arabia အနေဖြင့်လည်း Cape Verde ကိုသာ အနိုင်ရခဲ့ရင် နောက်တဆင့် တက်လှမ်းခွင့် ရမည် ဖြစ်၏။ သို့သော် သရေသာ ရခဲ့သည်မို့ Uruguay နှင့်အတူ အုပ်စု အဆင့်ကနေသာ လှည့်ပြန်ခဲ့ရလေတော့၏။
(photos from FIFA World Cup page)