နိုင်ငံတကာ အကူအညီ အဖွဲ့အစည်းများသည် သူတို့ကို ထောက်ပံ့ပေးခြင်းကို ရပ်ဆိုင်းလိုက်သည်။ သူတို့သည် IDP များ မဟုတ်တော့သောကြောင့် ဖြစ်သည်။ ကူညီပါကလည်း ကူညီရေး လုပ်သားရော ရွာသားများအတွက်ပါ အန္တရာယ် ရှိနိုင်သည်ဟု ၎င်းက ဆိုသည်။
Nam San Yang ရွာသို့ ပြန်ပို့ခံရသူများတွင် အသက် ၅၁ နှစ်အရွယ် ဗုဒ္ဓဘာသာဝင် ဒေါ်သန်းရီလည်း ပါဝင်သည်။ သူမသည် ယခင်က Bhamo သို့ ထွက်ပြေးလာခဲ့သူ ဖြစ်သည်။
သူမသည် Nam San Yang ရွာတွင် သူငယ်ချင်း တစ်ယောက်နှင့် နေသည်။ သူမ၏ နေအိမ်သည် တိုက်ပွဲများကြောင့် မီးလောင်သွားသောကြောင့် ဖြစ်သည်။ အိမ်ကို ပြင်ရန် သူမတွင် ငွေမရှိပေ။ နေရပ်ပြန်လာရသော IDP များကို အကူအညီ ပေးသော အဖွဲ့အစည်း မရှိသောကြောင့် စိတ်ပျက်ရသည်ဟု သူမက ဆိုသည်။ အစိုးရက သူမတို့ကို ပိုမိုကူညီသင့်သည်ဟု တောင်းဆိုသည်။
ပဋိပက္ခအတွင်း ပျက်ဆီးသွားသော ကျွန်မတို့ရဲ့ နေအိမ်တွေကို ပြင်ဆင်ဖို့ ဘယ်သူကမှ မကူညီကြဘူး။ ကျွန်မတို့ကို နေရပ်ပြန်မပို့ခင် နေအိမ်တွေကို အရင်ပြင်ဆင်ပေးသင့်တယ်ဟု သူမက ဆိုသည်။
သူမက ဘေးကင်းလုံခြုံမှုနှင့် ပတ်သက်ပြီးလည်း စိုးရိမ်ကြောင်း ပြောပြသည်။ အထူးသဖြင့် ထိုနေရာတဝိုက်တွင် ကျန်ရှိနေသေးသော များပြားလှသည့် မြေမြုပ်မိုင်းများ ဖြစ်သည်။ စစ်တပ်က ရွာ၏ တစ်စိတ်တစ်ပိုင်းကိုသာ မိုင်းရှင်းလင်းပေးခဲ့ကြောင်း ဆိုသည်။
ကြည့်ရတာ ကျွန်မက နေအိမ်ကို ပြင်ဆင်ပြီးတော့မှ စစ်တပ်က မိုင်းလာရှင်းပေးမယ့် ပုံပဲဟု သူမက ဆိုသည်။
To support the translation, donate steem or sbd to 