PIDGIN CHALLENGE - WETN MAKE ME LIKE STEEMIT

My name na Inyang Michael but my hommies dem dey call me Classic Mikel.
My people i dey hail una, na me be @classic717 for steemit, d guy wey sabi body and I dey give my niggas excess joy.
Make I no lie give una, when I never join steemit, I been broke wella, that time i bin dey beg people for chop money and e come be like say na my own bad pass, I bin no get joy for my life i swear.
E get one day eh wey my twin brother @mritsnobigdeal yarn me about steemit, him bin tell me say we go begin chop money, him talk say we go soon blow, me wey be say i no dey tutu dey believe that kind yarn, I bin no take am serious.
My country people i bin dey dull ooo, I bin no sabi say steemit na for real.
My twin brother bin come helep me do registration, as i begin write for steemit, people bin no dey send my post. My twin brother bin dey encourage me to dey write say one day I go begin chop money.
As i bin determine for my mind say i no go give up, one day, steemit come change my story, as i dey like this, I no dey broke again, I no dey beg money, I don begin helep people, I don begin give my niggas dem excess joy because of steemit.
I don become senior man for my area.
@ogoowinner wey carry dis pidgin contest come, I tuale for you.
You be better person and you sabi body over.
One love nwanyi oma.