ထင်လွယ်မြင်လွယ်

ထင်လွယ်မြင်လွယ်
•••••••••••••••••••••••••
မောင်ခင်မင်(ဓနုဖြူ)

ဂျာနယ်တိုက်တစ်တိုက်မှာ အလုပ်လုပ်နေသော ကောင်းမြတ်ထွန်းနှင့် ဆွေငြိမ်းအေးဆိုသည့် လူငယ်နှစ်ယောက် ကျွန်တော့်အိမ်ရောက်လာကြသည်။ သူတို့က ဂျာနယ်တိုက်မှာ ရေးသည့်အလုပ်ရော တည်းဖြတ်သည့် အလုပ်ရော လုပ်ရသူများဖြစ်ကြောင်း ပထမတစ်ခေါက်လာတုန်းက သူတို့ပြောပြ၍ သိထားသည်။ တစ်ယောက်က စကားစသည်။ ကျွန်တော်ရော သူရော ဒီဂျာနယ်တိုက်မှာ အလုပ်ဝင်တာ လပိုင်းပဲရှိသေးတော့ အတွေ့အကြုံ နည်းပါသေးတယ်ဆရာ´ဟုတ်ပါတယ် ဆရာ၊ သမီးလည်း သူ့လိုပါပဲ´ တစ်ယောက်က ထောက်ခံသည်။

အင်း... ဆက်ပြောကြပါဦးကွယ်´ဟိုတစ်နေ့က ကျွန်တော်တို့ဆရာ အယ်ဒီတာချုပ်က ကျွန်တော်တို့ နှစ်ယောက်ကို ခေါ်ပြီး ပြောပါတယ်ဆရာ´
ဘာပြောတာပါလိမ့်´ကျွန်တော်တို့ကို စာများများဖတ်ဖို့၊ စာရေးတာလည်းများများလေ့ကျင့်ဖို့ ပြောပြီးတော့ ဆက်ပြောတာက `ဂျာနယ်မှာက ဘာအကြောင်းပဲရေးရေး ဖတ်မယ့် ပရိသတ်ဘက်က စဉ်းစားပြီးရေးပါ...တဲ့။ ဖတ်တဲ့သူ ထင်လွယ် မြင်လွယ်ဖြစ်အောင် ကွင်းကွင်းကွက်ကွက်ပေါ်အောင် ရေးနိုင်ဖို့ကြိုးစားပါ..တဲ့။ အဲဒီလိုပြောပါတယ် ဆရာ´

`အင်မတန်ကောင်းတဲ့လမ်းညွှန်ချက်ပေါ့ကွယ်။ သားတို့ သမီးတို့ရဲ့ ဆရာက သားတို့ သမီးတို့ ဆက်ကြိုးစားစေချင်တဲ့ စေတနာနဲ့ လမ်းညွှန်တာ မဟုတ်လား။ ဒါထက်...နေပါဦး။ ဆရာက အဲဒီလိုပြောတာ သားတို့ရေးတဲ့ စာတစ်ခုခုနဲ့များ သက်ဆိုင်နေလို့လား´

`ဟုတ်ပါတယ် ဆရာ။ ကျွန်တော်အကြမ်းရေးထားတဲ့ သတင်းတစ်ပုဒ် တင်ပြလိုက်တာကို အယ်ဒီတာချုပ်က ဖတ်ပြီး အဲဒီလို ခေါ်ပြောတာပါ´

သားက ဘယ်လိုရေးထားလို့လဲ´ဒီသတင်းပါဆရာ´။ သူရေးထားသော စာကိုပြသည်။ ဖတ်ကြည့်လိုက်တော့ အောက်ပါအတိုင်း တွေ့ရပါသည်။
လွန်ခဲ့သောနှစ်ရက်ခန့်က ညဦးပိုင်းတွင် ရန်ကုန်မြို့ ဆူးလေစေတီ တော်အနီး ကားလမ်းဖြတ်ကူးသော အဘွားအိုတစ်ယောက်ကို ကားတစ်စီးက ဝင်တိုက်မိရာ ဒဏ်ရာပြင်းထန်စွာရသွားသဖြင့် ဆေးရုံပို့လိုက်ရသည်´ ကျွန်တော်က လူငယ်ကို မေးလိုက်သည်။သားရဲ့ ဆရာက ဒီသတင်းဖတ်ပြီးတော့ သားတို့ကို ဘာကြောင့် အဲဒီလို လမ်းညွှန်တယ် ထင်သလဲကွယ်´

`ကျွန်တော်ရေးတဲ့စာက ပရိသတ်ထင်လွယ်မြင်လွယ်မဖြစ်လို့ ဆရာ ခေါ်ပြောတာ ဖြစ်မှာပဲလို့တော့ သဘောပေါက်ပါတယ်ဆရာ။ အဲဒီအားနည်းချက်တွေက ဘာတွေလဲဆိုတာတော့ ကွဲကွဲပြားပြားမသိပါဘူး။ ဒါကြောင့် ဆရာ့ဆီ လာကြတာပါဆရာ´

အေး...ဟုတ်ပါပြီ။ သားဆရာလမ်းညွှန်တဲ့ ထင်လွယ်မြင်လွယ်ဖြစ်ဖို့၊ ကွင်းကွင်းကွက်ကွက်ပေါ်ဖို့ဆိုတာက သားအခုရေးတဲ့ ကားတိုက်မှုလို မြင်ကွင်းမျိုး၊ အဖြစ်အပျက်မျိုးနဲ့ဆိုင်တာပေါ့ကွယ်။ ဒီလိုဆိုရင် သားစဉ်းစားကြည့်။ ဘယ်လိုမြင်ကွင်းမျိုးက ထင်လွယ်မြင်လွယ်ဖြစ်မယ်ထင်သလဲ´ သူစဉ်းစားပြီးပြောသည်။ဟို....အနီးကပ်အသေးစိတ်မြင်ရတဲ့ မြင်ကွင်းမျိုးဆိုရင် ထင်လွယ်မြင်လွယ်ဖြစ်မယ်ထင်ပါတယ်´

`အေး...ဟုတ်တာပေါ့။ အဝေးကလှမ်းမြင်ရတာမျိုးဆိုရင် ဝိုးတိုးဝါးတားပဲ ဖြစ်နေမှာပေါ့။ ဘယ်ထင်လွယ်မြင်လွယ်ဖြစ်မှာလဲ။ ကဲ...ခုသား ရေးထားတာကို ကြည့်၊ လွန်ခဲ့သောနှစ်ရက်ခန့်က ညဦးပိုင်းတွင်တဲ့ နေ့ရက်ရော၊ အချိန်ရော ရေရေရာရာမရှိဘူးလေ။ ဝိုးတိုးဝါးတားဖြစ်မနေဘူးလား´

`ဖြစ်နေပါတယ်ဆရာ´

`အဲဒီလိုမရေးဘဲ၊ ဆိုပါတော့ကွာ၊ ဇူလိုင်လ ၉ရက် ည ၇နာရီခန့် တွင်လို့ရေးရင် ဖတ်တဲ့သူအတွက် ထင်လွယ်မြင်လွယ်မဖြစ်ဘူးလား´

`ဖြစ်ပါတယ်ဆရာ´

`ဆူးလေစေတီတော်အနီးကားလမ်းဖြတ်ကူးသော ဆိုတာထက် ဆူးလေစေတီတော်အနီး မြို့တော်ခန်းမရှေ့မှ မဟာဗန္ဓုလလမ်းကိုဖြတ်ကူး သောလို့ရေးရင် နေရာအတိအကျညွှန်ပြတာမို့ ထင်လွယ်မြင်လွယ်ဖြစ်တာ ပေါ့ကွယ်´

`ဟုတ်ပါတယ်ဆရာ´

`ကဲ... အဘွားအိုတစ်ယောက်ကို ကားတစ်စီးကဝင်တိုက်မိရာဆိုတာလည်း ယေဘုယျမကျလွန်းဘူးလားကွယ်။ မျက်စိထဲမှာမြင်မလာဘူး လေ။ ယောဂီရောင် ဝတ်စုံဝတ်ထားသော အသက် ၇ဝ ခန့် အဘွားအိုတစ်ယောက် ကို အနီရောင်ဆလွန်းကားတစ်စီးက ဝင်တိုက်မိရာလို့ ရေးရင် အရောင်အသွေးတွေပါ ပါလာပြီး ထင်လွယ်မြင်လွယ်ဖြစ်လာတာပေါ့ကွယ်´

`ဟုတ်ကဲ့ပါဆရာ´

`ပြီးတော့ ဆေးရုံပို့လိုက်ရသည် ဆိုတာထက် ရန်ကုန်ဆေးရုံကြီးသို့ ပို့လိုက်ရသည်ဆိုရင် ပိုမကောင်းဘူးလား´

`ကောင်းပါတယ်ဆရာ´

`ကဲ...အစအဆုံးပြင်ရေးကြည့်ရင် ဇူလိုင်လ ၉ရက်နေ့ ည ၇ နာရီခန့်တွင် ရန်ကုန်မြို့ ဆူးလေစေတီတော်အနီး မြို့တော်ခန်းမရှေ့မှ မဟာဗန္ဓုလလမ်းကိုဖြတ်ကူးသော ယောဂီရောင်ဝတ်စုံဝတ်ထားသော အသက် ၇ဝ ခန့်အဘွားအိုတစ်ယောက်ကို အနီရောင်ဆလွန်းကားတစ်စီးက ဝင်တိုက်မိရာ ဒဏ်ရာပြင်းထန်စွာရသွားသဖြင့် ရန်ကုန်ဆေးရုံကြီးသို့ ပို့လိုက်ရသည်လို့ ဖြစ်သွားမှာပေါ့။ အဲဒီလိုဆိုရင် စာဖတ်တဲ့သူရဲ့စိတ်ထဲမှာ ထင်လွယ်မြင် လွယ်ဖြစ်သွားမှာပေါ့ကွယ်´

`သဘောပေါက်ပါပြီဆရာ´

`သမီးလည်း နားလည်ပါပြီ၊ ကျေးဇူးတင်ပါတယ်ဆရာ´

တကယ်တော့ ဒါတွေဟာ သားတို့သင်ရတဲ့ဘ´ငါးလုံးတို့၊ `ဘ´ခြောက်လုံးတို့ပဲ မဟုတ်လား။ အဖြစ်အပျက်တစ်ခုရေးရင် ဘယ်သူလဲ၊ ဘယ်အချိန်လဲ၊ ဘယ်နေရာလဲ၊ ဘာကြောင့်လဲ၊ ဘယ်လိုလဲဆိုတဲ့ မေးခွန်းတွေမေးပြီး အဖြေကို တိတိကျကျ ရေရေရာရာဖြေရင် ထင်လွယ်မြင်လွယ် ဖြစ်တာပါပဲကွယ်။ အင်း...ပြောရမှာ အားတော့နာပါတယ်´

`ပြောပါဆရာ´

`အခု ပြန်ရေးလိုက်တဲ့စာမျိုးနဲ့ သားပထမရေးထားတဲ့ စာမျိုးကို စာအရေးအသားလမ်းညွှန်တစ်ခုမှာ နှိုင်းယှဉ်ပြီးဥပမာပေးဖူးတယ်ကွဲ့´

`ဘယ်လိုပါလဲဆရာ´

`အင်း...ထင်လွယ်မြင်လွယ်တဲ့ အသေးစိတ်တွေပါတဲ့ စာမျိုးဟာ စားချင်စဖွယ်ကြော်ထားတဲ့ ငါးကောင်လုံးကြော်ကြီးနဲ့တူတယ်...တဲ့။ အသေးစိတ်အချက်တွေမပါဘဲ ဝိုးတိုးဝါးတားရေးထားတဲ့စာမျိုးကတော့ အဲဒီ ငါးကြော်ကြီးရဲ့အသားတွေ အကုန်စားပစ်ပြီး ကျန်နေတဲ့ ငါးအရိုးစုကြီးနဲ့ တူတယ်တဲ့ကွဲ့´

`တယ်ပြောင်မြောက်တဲ့ ဥပမာပါလားဆရာရယ်´ သူတို့က ပြောရင်း ရယ်ကြပါသည်။

နောက်ပညာရှင်တစ်ယောက်က ပြောဖူးတာရှိတယ်။ စာရေးရင်...တဲ့၊မနုဿလူသား´အကြောင်းမရေးပါနဲ့...တဲ့၊ `လူတစ်ယောက် အကြောင်းပဲရေးပါ´တဲ့´

`ဘာအဓိပ္ပာယ်ပါလဲဆရာ´

သြော်...မနုဿလူသားအပေါင်းတို့သည်လို့ ခြုံပြီးရေးရင် ယေဘုယျကျလွန်းလို့ ဘယ်သူ့ကိုမှ မျက်စိထဲမမြင်တော့ဘဲ ဝိုးတိုးဝါးတားဖြစ်သွားရောတဲ့´အဲ...ကိုယ်ရေးချင်တဲ့ မောင်ဘယ်သူရဲ့ အကြောင်း၊ မဘယ်ဝါရဲ့ အကြောင်း ရေးမယ်ဆိုရင်တော့ တစ်ယောက်ချင်းရဲ့အကြောင်းကို အသေးစိတ်ရေးရတာမို့ ထင်လွယ်မြင်လွယ်ဖြစ်တယ်...တဲ့´

`မှတ်သားစရာပါပဲ ဆရာ၊ သမီးတို့ မှတ်ထားပါ့မယ်´

`ပညာရပ်ဆန်ဆန်ပြောရရင်တော့ ယေဘုယျသဘောနဲ့ ဝိသေသသဘောလို့ ပြောရမှာပေါ့။ ယေဘုယျသဘောဆိုတာက ခြုံပြီးပြောတာ၊ ဝိသေသသဘောဆိုတာက အသေးစိတ်ပြောတာပေါ့ကွယ်။ ခုစာရေးတဲ့ကိစ္စနဲ့ ဆက်ပြီး ပြောရရင် ယေဘုယျသဘောနဲ့ ခြုံပြီးပြောလေလေ၊ ထင်လွယ်မြင်လွယ် မဖြစ်လေလေပဲ၊ ဝိသေသသဘောနဲ့ အသေးစိတ်ပြောလေလေ၊ ထင်လွယ်မြင်လွယ်ဖြစ်လေလေပဲ၊ အဲဒါလေးကို သတိထားဖို့ ပညာရှင်တွေက လမ်းညွှန် တတ်ကြတယ်´

`ရှင်းပြပါဦး ဆရာ´

`ဒီလိုလေ၊ သတိရလို့ ပြောရဦးမယ်။ ဆရာတို့ ငယ်ငယ်က သဘောကျတဲ့ ရေဒီယိုသီချင်းကလေးတစ်ပုဒ်ရှိတယ်။ မိန်းကလေးက သူ့ချစ်သူနဲ့အတူ ရုပ်ရှင်သွားခါနီး ချစ်သူကို ပြောတဲ့စကားလေးက အပြာရောင်ဆွယ်တာ ကလေးကို ရှာပေးစမ်းပါ ပျို့ချစ်သူကေခိုင်...တဲ့´

`ဟာ... ဆရာက ဒါတွေလည်း ရတယ်နော်´

`အေး...အဲဒီသီချင်းကလေးကြားလိုက်ရင် မျက်စိထဲမှာ အဲဒီအပြာ ရောင်ဆွယ်တာအင်္ကျီကလေးကို မြင်ယောင်လာရောလေ။ အဲဒီလို မပြောဘဲ ဆွယ်တာကလေးရှာပေးစမ်းပါလို့ ပြောရင် ဘာဖြစ်မယ်ထင်သလဲ။ အရောင် မပါတော့ဘူးလေ။ မျက်စိထဲမြင်ယောင်လာတဲ့ ဆွယ်တာက ဘာရောင်မှန်း မသိတော့ ဝိုးတိုးဝါးတားဖြစ်သွားတာပေါ့။ အဲဒီလိုမပြောဘဲ အင်္ကျီကလေး ရှာပေးစမ်းပါလို့ပြောရင် ပိုပြီး ယေဘုယျကျသွားမယ်။ ဘာ အင်္ကျီမှန်း မသိတော့လို့ ပိုပြီးဝိုးတိုးဝါးတားဖြစ်သွားမှာပေါ့၊ မဟုတ်ဘူးလား´

`ဟုတ်ပါတယ် ဆရာ´

`ကဲ...စဉ်းစားကြည့်လေ၊ အဝတ်လို့ပြောရင် ယေဘုယျသိပ်ကျတော့ ဘာအဝတ်မှန်းမသိလို့ ဝိုးတိုးဝါးတားအဖြစ်ဆုံးပေါ့။ အဲ အင်္ကျီလို့ပြောရင် အဝတ်ထက်ပိုပြီး ဝိသေသဆန်လာတယ်၊ ဆွယ်တာလို့ပြောရင် ပိုပြီး ဝိသေသဆန်လာတယ်၊ အဲ အပြာရောင်ဆွယ်တာလို့ ပြောရင်တော့ ဝိသေသသဘော ပိုများတာမို့ ထင်လွယ်မြင်လွယ်အဖြစ်ဆုံးပေါ့ကွယ်။ ဒီတော့ ထင်လွယ်မြင်လွယ်ဖြစ်အောင် ဝိသေသသဘောပါဖို့၊ အသေးစိတ်ပြောဖို့ လိုတယ်ဆိုတာ ထင်ရှားလောက်ပါပြီကွယ်။ ကဲ...နားကြဦးစို့´

မောင်ခင်မင်(ဓနုဖြူ)