=> HANA JUDOE <=
assalamu'alaikum..
meuheut lam hatee, neuk jak u banda..
ka payah gisa, jalan teulanjoe..
mungken nyoe dek, saboh peutanda..
lon ngen gata, ka hana judoe..
lam krueng meuapong, lon sangka buya..
sinyak meuruwa, ulon pih kayoe..
gata lon peulheuh, walau han rela..
bungoeng dahlia, lam reugam jaroe..
hana le guna, tanyoe meucinta..
nyoe derita, sabee tiep uroe..
keupe lon reugam, nyoe jeut keu luka..
bungoeng dahlia, ka jeut meuduroe..
pikiran tanyoe, jinoe ka beda..
hana le dinda, arah meusahoe..
ka pudar rasa, ilon keu gata..
sayang lam dada, teutap han tuwoe..
jinoe hay adek, kanda jak bungka..
oh noe meumada, tanyoe meusahoe..
jinoe gata preh, laen keukanda..
ulon pih mita, laen peugantoe..
meuah dosa lon, yang na bak gata..
kadang na kata, yg bacut kutoe..
dosa di adoe, han le bak kanda..
bek susah dinda, pikiran kachoe..
nyoe memang jodoe, geu tanyoe dua..
na cara bak Allah, tanyoe meusahoe..
untuk saat nyoe, oh noe meumada..
jalen asmara, tanyoe koh taloe..
izin lon lakee, wahee adinda..
musafir cinta, meu keu neuk jak woe..
marwah digata, beugoet ta jaga..
yak mudah teuka, kumbang dipeutoe..
saleum seujahtra, akhirul kata..
lon paleng muka, ka tinggai adoe..
mudah-mudahan, doa bak kanda..
beubagah teuka, laen peugantoe..
